മലയാളികളുടെ പ്രിയ താരവും സോഷ്യൽമീഡിയയിൽ നിറഞ്ഞ് നില്ക്കുന്ന താരവുമായി ഗായിക് അമൃത സുരേഷ്. താരവുമായി ബന്ധപ്പെട്ട പല കാര്യങ്ങളും വാർത്തകളിൽ ഇടം നേടാറുണ്ട്. ഇതിലധികവും വിമർശനങ്ങളും പരിഹാസങ്ങളുമാണ്. എന്നാൽ ഇത്തരത്തിലുള്ള വിഷയങ്ങളിൽ ഒരു തരത്തിലും അമൃത തന്റെ അഭിപ്രായമോ വിമർശനങ്ങളോ വെളിപ്പെടുത്തിയിട്ടില്ല.അമൃത തന്റെ എല്ലാ വിശേഷങ്ങളും ആരാധകരുമായി പങ്കുവയ്ക്കാറുണ്ട്.
ഇപ്പോൾ സമൂഹമാധ്യമങ്ങളിലൂടെയും അല്ലാതെയും തനിക്കെതിരെ ഉയരുന്ന ആരോപണങ്ങൾക്ക് ഇതുവരെ മറുപടി നൽകിയിട്ടില്ലെന്നും എന്നാൽ മകളെ ബാധിച്ചാൽ താൻ പ്രതികരിക്കുമെന്നും ഗായിക അമൃത സുരേഷ് വ്യക്തമാക്കിയിരിക്കുകയാണ്. അമൃതയുടെയും അനിയത്തിയും ഗായികയുമായ അഭിരാമിയുടെയും യൂട്യൂബ് ചാനലായ അമൃതംഗമയയിലൂടെയാണ് ഗായികയുടെ പ്രതികരണം. ഏതാനും ദിവസങ്ങൾക്കു മുൻപ് പുറത്തിറങ്ങിയ വിഡിയോ ഇപ്പോൾ പ്രേക്ഷകശ്രദ്ധ നേടുകയാണ്.
അമൃത അങ്ങനെ ചെയ്തു, പണം തട്ടിയെടുത്തു, പറ്റിച്ചു എന്നിങ്ങനെ ഒരുപാട് ആരോപണങ്ങൾ എനിക്കെതിരെ ഉയർന്നു. ഒന്നിനോടും ഞാൻ ഇതുവരെ പ്രതികരിച്ചിട്ടില്ല. മറുപടി പറയാനാണെങ്കിൽ 14 വർഷത്തെ ആരോപണങ്ങൾക്കു മറുപടി പറയേണ്ടി വരും. രണ്ട് കൈകളും കൂട്ടിയടിച്ചാൽ മാത്രമല്ലേ ശബ്ദമുണ്ടാകൂ. ഒരു പ്രശ്‌നത്തെ വലിയ പ്രശ്‌നമാക്കേണ്ട എന്നുകരുതിയാണ് എല്ലാത്തിൽ നിന്നും മാറി നിൽക്കുന്നത്. മകൾ പാപ്പുവിനെ ഓർത്ത് എല്ലാത്തിലും മൗനം പാലിക്കുകയായിരുന്നു. എന്നാൽ ഇത്തരം പ്രചാരണങ്ങൾ എപ്പോഴെങ്കിലും എന്റെ പാപ്പുവിനെ ബാധിച്ചു തുടങ്ങിയാൽ അപ്പോൾ ഞാൻ പ്രതികരിക്കും.
എനിക്കെതിരെ ഉയരുന്ന ആരോപണങ്ങളിൽ മൂന്ന് ശതമാനം പോലും സത്യമില്ല. എന്നെയും എന്റെ കുടുംബത്തെയും നശിപ്പിക്കാൻ ശ്രമിക്കും പോലെയാണ് ചിലർ ഓരോന്ന് ഉന്നയിക്കുന്നത്. എന്നിട്ടും ഞാൻ ഒന്നിനോടും പ്രതികരിച്ചിട്ടില്ല. എന്തിനാണ് നിശബ്ദയായിരിക്കുന്നതെന്ന് മകൾ പോലും എന്നോടു ചോദിച്ചു തുടങ്ങിയിരിക്കുന്നു. എന്നോട് അടുപ്പമുള്ള ചിലർ പറയാറുണ്ട് ആരോപണങ്ങളിൽ നിശബ്ദത പാലിക്കേണ്ട, പ്രതികരിച്ചു തുടങ്ങണമെന്ന്. അവർ വലിയ പിന്തുണയോടെ കൂടെ നിൽക്കുന്നുണ്ട്. പരിധിവിട്ട് ആരോപണങ്ങൾ ബാധിച്ചാൽ തീർച്ചയായും ഞാൻ പ്രതികരിക്കും', അമൃത സുരേഷ് പറഞ്ഞു.
അമൃത സുരേഷിന്റെ വാക്കുകളിലേക്ക്...
ഓരോന്നിനും മറുപടി പറയാൻ ആണെങ്കിൽ നമുക്കൊരു 14 വർഷം തുടങ്ങിയുള്ള മറുപടികൾ പറയാനുണ്ട്. ഇതുവരെ സോഷ്യൽ മീഡിയയിൽ ഒരു ഭാഗത്തെ കാര്യങ്ങൾ അല്ലാതെ, ഞാൻ ഇതുവരെ പ്രതികരിച്ചിട്ടില്ല. ഒരുപാട് ആരോപണങ്ങൾ എന്റെ പേരിൽ വന്നിട്ടുണ്ട്. എന്നാൽ ഒരു കാര്യത്തിനും ഞാൻ വിശദീകരണം നൽകിയിട്ടില്ല. ഇപ്പോഴം ഉത്തരം കൊടുക്കാതെ മാറിയിരിക്കുന്നതിന്റെ കാരണം, എന്റെ മകളെ ഓർത്തുകൊണ്ടും ഒരു പ്രശ്‌നത്തെ വലിയ പ്രശ്‌നമാക്കേണ്ടെന്ന് കരുതിയുമാണ്'.
എന്നാൽ എന്നെങ്കിലും ഇത് എന്റെ മകൾ പാപ്പുവിനെ ബാധിച്ചാൽ ഞാൻ പ്രതികരിക്കും. എനിക്കെതിരെ ഉയരുന്ന ആരോപണങ്ങൾ മൂന്ന് ശതമാനം പോലും ശരിയല്ലാത്ത കാര്യങ്ങളാണ്. ഞാൻ എന്നൊരു വ്യക്തിയെ, കുടുംബത്തെ നശിപ്പിക്കുക എന്ന രീതിയിലുള്ള ആരോപണങ്ങളാണ് വ്യക്തിപരമായിട്ടോ ഗ്രൂപ്പായിട്ടോ ആളുകൾ പറഞ്ഞുകൊണ്ടിരിക്കുന്നത്. ആ പറയുന്നത് അല്ല ഞാനോ എന്റെ കുടുംബമോ'.
'പാപ്പു വരെ എന്റെടുത്ത് പറഞ്ഞു തുടങ്ങി, എന്തിനാണ് അമ്മ ഇങ്ങനെ സയലന്റായിരിക്കുന്നതെന്ന്. എന്റെ ജീവിതത്തിൽ നടന്ന എല്ലാ സംഭവങ്ങൾക്കും സാക്ഷി എന്ന് പറയുന്നത് കുഞ്ഞാണെങ്കിലും എന്റെ മകളാണ്. പിന്നെ എന്റെ കൂടെയുള്ള കുറച്ച് പേരുമാണ്. അമ്മ പ്രതികരിക്കണം, അമ്മ ഇങ്ങനെയല്ല എന്ന് മകൾ വരെ പറഞ്ഞു തുടങ്ങി. തന്നെ അറിയാവുന്ന ചിലരും പറഞ്ഞു തുടങ്ങിയിട്ടുണ്ട് പ്രതികരിക്കാൻ'- അമൃത പറഞ്ഞു.
ആരോപണങ്ങൾ ഒരു പരിധി വിട്ടാൽ തീർച്ചയായും പ്രതികരിക്കുമെന്നും അമൃത സുരേഷ് വ്യക്തമാക്കുന്നു. അതേസമയം, അമൃത പങ്കുവച്ച വീഡിയോ സോഷ്യൽ മീഡിയയിൽ വൈറലായിട്ടുണ്ട്. ഒരു ലക്ഷത്തിൽ കൂടിതൽ പേരാണ് വീഡിയോ കണ്ടത്. നിരവധി പേർ അമൃതയ്ക്ക് പിന്തുണ അറിയിച്ച് വീഡിയോയ്ക്ക് താഴെ കമന്റുകൾ പങ്കുവയ്ക്കുന്നുണ്ട്.
