ക്യാപ്റ്റൻ അമേരിക്ക താരം ക്രിസ് ഇവാൻസ് വിവാഹിതനായി: നടി അൽബ ബാപ്റ്റിസ്റ്റ വധു

ക്യാപ്റ്റൻ അമേരിക്കൻ താരം ക്രിസ് ഇവാൻസ് വിവാഹിതനായി. പാർച്ചുഗീസ് നടി അൽബ ബാപ്റ്റിസ്റ്റയാണ് വധു. ഒരു വർഷത്തിലേറെയാണ് ഇരുവരും പ്രണയത്തിലാണ്. യുഎസിലെ മസാച്ചുസെറ്റ്സിൽ ശനിയാഴ്ചയായിരുന്നു വിവാഹം.

അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്. വിവാഹത്തിൽ അവഞ്ചേഴ്സ് താരങ്ങൾ പങ്കെടുത്തതായും റിപ്പോർട്ടുകളുണ്ട്. റോബർട്ട് ബ്രൗണി ജൂനിയർ, ഭാര്യ സൂസൻ ഡൗനേ, ക്രിസ് ഹെംസ് വർത്ത്, ഭാര്യ എൽസ, ജെർമി റെന്നർ തുടങ്ങിയവർ വിവാഹത്തിൽ പങ്കെടുത്തു.

ചടങ്ങിൽ ഫോൺ ഉപയോഗിക്കുന്നതിന് നിയന്ത്രണമുണ്ടായിരുന്നതായും പേജ് സിക്സ് റിപ്പോർട്ട് ചെയ്തു. അതിനിടെ ജെർമി റെന്നറും റോബർട്ട് ഡൗണി ജൂനിയറും ക്രിസ് ഹെംസ് വർത്തും ഒന്നിച്ച് ഭക്ഷണം കഴിക്കുന്നതിന്റെ ചിത്രങ്ങളും പുറത്തുവന്നു. നവദമ്പതികൾക്ക് ആശംസകളുമായി നിരവധി പേരാണ് എത്തുന്നത്.

കഴിഞ്ഞ വർഷം നവംബറിലാണ് ക്രിസ് ഇവാൻസും അൽബയും പ്രണയത്തിലാണെന്ന വാർത്തകൾ വന്നത്. ആക്ഷൻ റൊമാന്റിക് ചിത്രം ഗോസ്റ്റഡിലാണ് ക്രിസ് ഇവാനെ അവസാനമായി കണ്ടത്. പോർച്ചുഗീസ് സീരിയസുകളിലൂടെയാണ് അൽബ ബാപ്റ്റിസ്റ്റ ശ്രദ്ധനേടുന്നത്. 26കാരി ഇംഗ്ലീഷ് ഭാഷയിലേക്ക് എത്തുന്ന നെറ്റ്ഫൽക്സിന്റെ വാരിയർ നണ്ണിലൂടെയാണ്.