'അഭിനയ ജീവിതം ആരംഭിച്ച് 12 വർഷം തികയുന്നു, 'ലക്കി ഭാസ്‌കർ'ന്റെ ഫസ്റ്റ് ലുക്ക് പങ്കുവെച്ച് ദുൽഖർ സൽമാൻ

ചെന്നൈ: ദുൽഖർ സൽമാൻ നായകനാകുന്ന 'ലക്കി ഭാസ്‌കർ'ന്റെ ഫസ്റ്റ് ലുക്ക് പുറത്ത്.ദുൽഖർ സൽമാന്റെ അഭിനയ ജീവിതം ആരംഭിച്ച് 12 വർഷം തികയുന്ന അവസരത്തിലാണ് 'ലക്കി ഭാസ്‌കർ'ന്റെ ഫസ്റ്റ് ലുക്ക് പുറത്തുവിട്ടത്.തെലുങ്ക്, മലയാളം, തമിഴ്, ഹിന്ദി എന്നീ നാല് ഭാഷകളിലായി എത്തുന്ന ചിത്രം ഒരു പാൻ ഇന്ത്യൻ സിനിമയാണ്.

90കളിലെ ബോംബെയിലെ സാമ്പത്തിക പ്രതിസന്ധിയുടെ സമയത്തെ ഒരു കാഷ്യറുടെ ജീവിതം ആണ് സിനിമ പറയുന്നത്.മീനാക്ഷി ചൗധരിയാണ് ചിത്രത്തിലെ നായിക വെങ്കി അറ്റ്ലൂരി തിരക്കഥ, സംവിധാനം നിർവഹിക്കുന്ന ചിത്രമാണിത്.

ഫോർച്യൂൺ ഫോർ സിനിമാസിന്റെ ബാനറിൽ സായ് സൗജന്യയും സിത്താര എന്റർടെയ്ന്മെൻസിന്റെ ബാനറിൽ സൂര്യദേവര നാഗ വംശിയും ചേർന്ന് നിർമ്മിക്കുന്നതാണ് ഈ ചിത്രം. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.