കൊച്ചി: ഉമ്മയുടെ പിറന്നാൾ ദിനത്തിൽ ആശംസകൾ നേർന്ന് ദുൽഖർ സൽമാൻ. സാരിയുടുത്ത സുൽഫത്തിന്റെ ചിത്രം പങ്കുവെച്ചുകൊണ്ടാണ് താരം ഉമ്മയ്ക്ക് പിറന്നാൾ നേർന്നത്. ഈ ചിത്രം കാണുമ്പോൾ താൻ കുട്ടിയായതായി തോന്നുന്നതായി ദുൽഖർ കുറിക്കുന്നു.

ദുൽഖറിന്റെ ഫേസ്‌ബുക്ക് കുറിപ്പ്

എന്റെ പ്രിയപ്പെട്ട ഉമ്മാ,

നിങ്ങളുടെ ജന്മദിനത്തിന് പോസ്റ്റുചെയ്യാൻ ഞാൻ ഫോട്ടോകൾ നോക്കുന്നതിനിടയിൽ ഞാൻ ഈ ചിത്രം കണ്ടെത്തി. ഈ സാരിയിലുള്ള ഈ ഫോട്ടോ മറിയത്തേക്കാൾ ചെറിയ പ്രായത്തിലുള്ള എന്റെ കുട്ടിക്കാലവും നമ്മളൊരുമിച്ചുള്ള ചിത്രങ്ങളും എന്നെ ഓർമിപ്പിക്കുകയാണ്. ഞാൻ വീണ്ടും ഒരു കുട്ടിയായതുപോലെ തോന്നി.

ഉമ്മ എന്നെ അങ്ങനെയാണ് കാണുന്നതെന്നെനിക്കറിയാം. എത്ര പ്രായമായാലും അവരുടെ കണ്ണുകളിലും ഹൃദയങ്ങളിലും മക്കൾക്കും ചെറുമക്കൾക്കും ഒക്കെ ഒരേ പ്രായമാണ്. ഞങ്ങൾ ഉമ്മയെ ഒരുപാട് സ്‌നേഹിക്കുന്നു, നിങ്ങൾക്ക് ഏറ്റവും സന്തോഷകരമായ ജന്മദിനം നേരുന്നു.