ഇടവേളകളോ വിശ്രമമോ കൂടാതെ, വർഷങ്ങളായി സിനിമാപ്രവർത്തകരുടെ ക്ഷേമത്തിനായി പ്രവർത്തിക്കുന്ന എന്റെ പ്രിയ സഹോദരൻ; ഇടവേള ബാബുവിന് പിറന്നാൾ ആശംസകൾ നേർന്ന് മോഹൻലാൽ

കൊച്ചി: അമ്മ ജനറൽ സെക്രട്ടറി ഇടവേള ബാബുവിന് ജന്മദിനാശംസകളുമായി മോഹൻലാൽ. തന്റെ ഫേസ്‌ബുക്കിൽ ഇട്ട പോസ്റ്റിലാണ് ഇടവേള ബാബുവിന് മോഹൻലാൽ അഭിനന്ദനം അറിയിക്കുന്നത്. ഇടവേളകളോ വിശ്രമമോ കൂടാതെ, വർഷങ്ങളായി സിനിമാപ്രവർത്തകരുടെ ക്ഷേമത്തിനായി പ്രവർത്തിക്കുന്ന എന്റെ പ്രിയ സഹോദരൻ ഇടവേള ബാബുവിന് ഹൃദയം നിറഞ്ഞ പിറന്നാൾ ആശംസകൾ എന്നാണ് മോഹൻലാൽ എഴുതിയിരിക്കുന്നത്.

ഇടവേള ബാബുവിന്റെ പഴയ ചിത്രമാണ് പോസ്റ്റിനൊപ്പം മോഹൻലാൽ ചേർത്തിരിക്കുന്നത്. പലരും മോഹൻലാലിന്റെ പോസ്റ്റിന് അടിയിൽ ആശംസകളുമായി എത്തുന്നുണ്ട്. നിരവധി പേരാണ് ഇടവേളയ്ക്ക് ആശംസകളുമായി രംഗത്തുവന്നത്.