വാഹനം ഇലക്ട്രിക്ക് പോസ്റ്റിൽ ഇടിച്ചു, ലൈൻ പൊട്ടി, ഞാൻ ഫ്രണ്ട് സീറ്റിൽ ലെഫ്ററ് സൈഡിൽ; വാഹന അപകടത്തെക്കുറിച്ച് ഗൗരി നന്ദ

കൊച്ചി: ഷൂട്ടിംഗിനിടയിൽ തന്റെ വാഹനം അപകടത്തിൽപ്പെട്ടത് സംബന്ധിച്ച് പ്രേക്ഷകരോട് പ്രതികരിക്കുകയാണ് നടി ഗൗരി നന്ദ. സ്വർഗത്തിലെ കട്ടുറുമ്പ് സിനിമയുടെ ചിത്രീകരണത്തിനിടയിലായിരുന്നു അപകടം. ഗൗരി അടക്കമുള്ള താരങ്ങൾ സഞ്ചരിച്ച പൊലീസ് വാഹനം പെട്ടെന്ന് നിയന്ത്രണം വിട്ട് അടുത്തുള്ള ഇലട്രിക്ക് പോസ്റ്റിൽ പോയി ഇടിക്കുകയായിരുന്നു. തന്റെ ഫേസ്‌ബുക്ക് പേജിലാണ് താരം അപകടം സംബന്ധിച്ച വിവരങ്ങൾ പങ്ക് വെച്ചത്.

ഗൗരി പങ്കുവെച്ച പോസ്റ്റിന്റെ പൂർണ്ണരൂപം:

എല്ലാവർക്കും നമസ്‌കാരം , ഇന്നലെ സ്വർഗത്തിലെ കട്ടുറുമ്പ് സിനിമ ഷൂട്ടിങ് ലൊക്കേഷനിൽ വെച്ച് ചിത്രീകരണം നടക്കുന്നതിനിടെ ഞാൻ സഞ്ചരിച്ച പൊലീസ് വാഹനം പെട്ടെന്ന് നിയന്ത്രണം വിട്ട് അടുത്തുള്ള ഇലട്രിക്ക് പോസ്റ്റിൽ പോയി ഇടിക്കുകയും പോസ്റ്റ് ഒടിഞ്ഞു ലൈൻ പൊട്ടി ഞാൻ ഇരുന്ന സൈഡിൽ താഴെവീണു.

ഞാൻ ഫ്രണ്ട് സീറ്റിൽ ലെഫ്റ്റ് സൈഡിൽ ആയിരിന്നു ഇരുന്നത് ഡ്രൈവിങ് സീറ്റിൽ ചെമ്പിൽ അശോകൻ ചേട്ടൻ ചാലിപാലാ ചേട്ടൻ ബാക്ക് സീറ്റിൽ. പോസിറ്റിൽ ഇടിച്ചു നിന്നതുകൊണ്ട് വലിയ അപകടം ഒഴിവായി കിട്ടി.ആർക്കും അങ്ങനെ കാര്യമായ പരിക്കുകൾ ഒന്നും തന്നെ സംഭവിച്ചില്ല Thank God വിവരം അറിഞ്ഞു വിളിച്ചവരോടൊക്കെ നന്ദി പറയുന്നു.