കട്ടിലിൽ വൈശാഖിനൊപ്പം നെഞ്ചോട് ചേർന്ന് നിൽക്കുന്ന 'ഫുട്ടേജ്' പോസ്റ്റർ വൈറൽ; മഞ്ജു വാര്യർ ചിത്രത്തിലെ ആ നടി ഗായത്രി അശോക്

കൊച്ചി: മഞ്ജു വാര്യരെ കേന്ദ്ര കഥാപാത്രമാക്കി എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന'ഫൂട്ടേജ്'എന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റർ കഴിഞ്ഞ ദിവസമാണ് റിലീസായത്. ഇതോടെ വൈശാഖ് നായറിനൊപ്പം പോസ്റ്ററിൽ കാണുന്ന നടി ഏതാണ് എന്ന ചോദ്യവും ഉയർന്നു. കുറേ ആളുകൾ മഞ്ജുവാര്യരാണ് ഇതെന്നും കരുതി. എന്നാൽ, ഇത് നടി ഗായത്രി അശോക് എന്ന നടിയായിരുന്നു.

കട്ടിലിൽ വൈശാഖിനൊപ്പം നെഞ്ചോട് ചേർന്ന് നിൽക്കുന്ന ഗായത്രിയാണ് പോസ്റ്ററിൽ കാണുന്നത്. ഗൂഗിൾ സെർച്ചില ട്രെൻഡിങ്ങാവുകയാണ് ഗായത്രി അശോക്. ഇൻസ്റ്റഗ്രാം ഫോളോവേഴ്സിന്റെ എണ്ണത്തിലും വലിയ വർധനവാണ് ഉണ്ടായത്.

മോഡൽ കൂടിയായ ഗായത്രിക്ക് ചെന്നൈയിൽ ഗ്രാഫിക്സ് ഡിസൈനർ ആയി ജോലി ചെയ്യുമ്പോഴാണ് സിനിമയിൽ അഭിനയിക്കാനുള്ള അവസരം ലഭിക്കുന്നത്. 'ലഡു'എന്ന ചിത്രത്തിൽ നായികയായിട്ടായിരുന്നു തുടക്കം. അതിനുശേഷം സ്റ്റാർ, സ്വർഗത്തിലെ കട്ടുറുമ്പ്, മെമ്പർ രമേശൻ9-ാം വർഡ് എന്നീ സിനിമകളിലും ഗായത്രി അഭിനയിച്ചു.

അഞ്ചാം പാതിരാ, മഹേഷിന്റെ പ്രതികാരം, കുമ്പളങ്ങി നൈറ്റ്സ് തുടങ്ങി നിരവധി ഹിറ്റുകളുടെ എഡിറ്ററായ സൈജു ശ്രീധരൻ ആദ്യമായി സംവിധാനം ചെയ്യുന്ന ചിത്രമാണ് 'ഫൂട്ടേജ്'. മാർട്ടിൻ പ്രക്കാട്ട് ഫിലിംസ് ആണ് ഈ മഞ്ജു വാര്യർ ചിത്രം പ്രേക്ഷകരിലേക്ക് എത്തിക്കുന്നത്. മൂവി ബക്കറ്റ്, കാസ്റ്റ് ആൻഡ് കോ, പെയിൽ ബ്ലൂ ഡോട്ട് പിക്ചേഴ്സ് എന്നിവയുടെ ബാനറിൽ ബിനീഷ് ചന്ദ്രൻ, സൈജു ശ്രീധരൻ എന്നിവർ ചേർന്നാണ് ചിത്രം നിർമ്മിക്കുന്നത്. ഷബ്ന മുഹമ്മദ്, സൈജു ശ്രീധരൻ എന്നിവർ ചേർന്നാണ് തിരക്കഥ ഒരുക്കുന്നത്.