കൊച്ചി: മലയാളം, തമിഴ്, തെലുങ്ക് സിനിമാ മേഖലയിൽ അഭിനയിച്ച് സ്വന്തമായി ഒരു സ്ഥാനം നേടിയ നടിയാണ് ഹണി റോസ്. അഭിനയത്തിലൂടെ മാത്രമല്ല ഫാഷൻ സെൻസ് കൊണ്ടും നിരവധി ഫോട്ടോഷൂട്ട് ചിത്രങ്ങളിലൂടെയും താരം വളരെ ശ്രദ്ധ നേടിയിട്ടുണ്ട്.ഉദ്ഘാടനങ്ങളിലും സിനിമകളിലും സജീവസാന്നിധ്യമായ ഹണി ധരിക്കുന്ന വേഷങ്ങളാണ് എപ്പോഴും ചർച്ചകളിൽ നിറയാറുള്ളത്.

ഇപ്പോഴിതാ ഏറ്റവും അടുത്ത് ഒരു ഉദ്ഘാടനത്തിന് എത്തിയപ്പോഴുള്ള ഹണി റോസിന്റെ ചിത്രങ്ങും വീഡിയോയും ആണ് സോഷ്യൽ മീഡിയയിൽ വൈറൽ. എപ്പോഴും മോഡേൺ ഗ്ലാമറസ് ലുക്കിലാണ് ആൾ വരിക എങ്കിൽ, ഇക്കുറി അൽപ്പം ട്രെഡിഷണൽ ആണ്.

ഹണി അതിഥിയായി എത്തിച്ചേർന്ന പരിപാടിയിൽ രഞ്ജിനി ഹരിദാസാണ് അവതാരക. ഗോഡസ് എന്ന് വിളിക്കാവുന്ന തരം വസ്ത്രവും വേഷവിധാനങ്ങളുമായിരുന്നു ഹണി റോസിന്റേത്. ഈ വേഷത്തിൽ ഹണി ഒരു അപ്‌സരസിനെ പോലെ ഉണ്ടായിരുന്നെന്നാണ് ആരാധകർ പറയുന്നത്. ഹണി വന്നുചേർന്നതും പാട്ടിട്ട് ഡാൻസ് ചെയ്ത് ആരാധകരും ഇളകി മറിഞ്ഞു.

പ്രഭു ദേവ ആടിത്തകർത്ത ഗുലെബാവാലി എന്ന ഗാനത്തിനാണ് ഹണിയുടെ ആരാധകരും ചുവടു വച്ചത്. കാഴ്ചക്കാർ ഹരം കൊണ്ടിളകിയതും ഹണിയും അവർക്കൊപ്പം ചുവടുകളുമായി വേദിയിൽ കൂടെക്കൂടി. തന്റെ സോഷ്യൽ മീഡിയയിലൂടെ താരം ഈ ചിത്രങ്ങളും വീഡിയോയും പങ്കിട്ടിട്ടുണ്ട്. പതിവ് പോലെ താരത്തിന്റെ പുതിയ വീഡിയോയും ചിത്രങ്ങളും വൈറൽ ആകുകയാണ്.