ആമിർ ചിത്രത്തോട് അന്ന് കാജോൾ നോ പറഞ്ഞു, അതിന് കാരണം ആമിർ തന്നെയായിരുന്നു; വെളിപ്പെടുത്തലുകളുമായി സംവിധായകൻ

മുംബൈ: ബോളിവുഡിൽ ഏറെ ആരാധകരുള്ള താരമാണ് കാജോൾ. ഷാരൂഖ് ഖാൻ-കാജോൾ ജോഡി ബോളിവുഡിൽ ഏറെ ആഘോഷിക്കപ്പെട്ടിരുന്നു. ബോളിവുഡിലെ സൂപ്പർ താരങ്ങളുടെയെല്ലാം നായികയായി കാജോൾ അഭിനയിച്ചിട്ടുണ്ട്. എന്നാൽ ആമിർ ഖാനൊപ്പം അഭിനയിക്കാനുള്ള അവസരം കാജോൾ ഒരിക്കൽ നിരസിച്ചിരുന്നു.

സംവിധായകൻ ധർമേഷ് ദർശൻ ആണ് ഒരു അഭിമുഖത്തിനിടെ ഇക്കാര്യം വ്യക്തമാക്കിയത്. ആമിർ ഖാനൊപ്പം സിനിമ ചെയ്യാൻ കാജോൾ വിസമ്മതിക്കുകയായിരുന്നു. ധർമ്മേഷ് ദർശൻ സംവിധാനം ചെയ്ത 'മേള' ആയിരുന്നു ചിത്രം. കജോൾ സിനിമയുടെ ഭാഗമാകാൻ വിസമ്മതിച്ചു.

അക്കാലത്ത് ധാരാളം ടേക്കുകൾ എടുക്കുന്നതായി ആമിറിന്റെ പേരിൽ പരാതിയുണ്ടായിരുന്നു. സാധാരണ ഒറ്റ ടേക്കിൽ രംഗങ്ങൾ അവതരിപ്പിക്കുന്ന സ്വതസിദ്ധമായ അഭിനയശൈലിയായിരുന്നു കാജോളിന്റെത്. പിന്നീട് ട്വിങ്കിൾ ഖന്നയെ കേന്ദ്രകഥാപാത്രമാക്കി ചിത്രം നിർമ്മിച്ചു.

ചിത്രത്തിന് ബോക്‌സ് ഓഫീസിൽ മികച്ച പ്രകടനം കാഴ്ചവെക്കാൻ കഴിഞ്ഞെങ്കിലും നെഗറ്റീവ് റിവ്യൂകളാണ് ചിത്രത്തിന് ലഭിച്ചത്. മേള സംവിധാനം ചെയ്യാൻ ആഗ്രഹിച്ചിരുന്നില്ലെന്നും എന്നാൽ അമ്മയാണ് തന്നെ ആ സിനിമയെടുക്കാൻ നിർബന്ധിച്ചതെന്നും ധർമേഷ് അഭിമുഖത്തിൽ വെളിപ്പെടുത്തിയിരുന്നു.