ദൈവത്തിൽ നിന്നുള്ള ദിവ്യ അനുഗ്രഹം; പെരിങ്ങോട്ടുകര വിഷ്ണുമായ ക്ഷേത്രത്തിലെ നാരീപൂജയിൽ പങ്കെടുത്ത് ഖുശ്‌ബു
തൃശ്ശൂർ: തൃശൂർ പെരിങ്ങോട്ടുകര വിഷ്ണുമായ ക്ഷേത്രത്തിലെ നാരീപൂജയിൽ പങ്കെടുത്ത് നടിയും ദേശീയ വനിതാ കമ്മീഷൻ അംഗവുമായ ഖുശ്‌ബു. ഒക്ടോബർ ഒന്നാം തീയതിയാണ് ഈ പൂജ നടന്നത്. നാരീപൂജ ചെയ്യാൻ ക്ഷണിച്ചത് ഭാഗ്യമായി കരുതുന്നുവെന്ന് ചിത്രങ്ങൾ പങ്കുവച്ച് ഖുശ്‌ബു സോഷ്യൽ മീഡിയയിൽ കുറിച്ചു.
'ദൈവത്തിൽ നിന്നുള്ള ദിവ്യ അനുഗ്രഹം! തൃശൂരിലെ വിഷ്ണുമായ ക്ഷേത്രത്തിൽ നിന്ന് നാരീപൂജ ചെയ്യാൻ ക്ഷണിച്ചത് ഭാഗ്യമായി കരുതുന്നു. തിരഞ്ഞെടുക്കപ്പെട്ടവരെ മാത്രമേ ക്ഷണിക്കൂ. ദേവി തന്നെയാണ് വ്യക്തിയെ തിരഞ്ഞെടുക്കുന്നതെന്ന് അവർ വിശ്വസിക്കുന്നു.ഇത്തരമൊരു ബഹുമതി നൽകി എന്നെ അനുഗ്രഹിച്ചതിന് ക്ഷേത്രത്തിലെ എല്ലാവർക്കും എന്റെ എളിയ നന്ദി.
ദിവസവും പ്രാർത്ഥിക്കുകയും നമ്മെ സംരക്ഷിക്കാൻ ഒരു സൂപ്പർ പവർ ഉണ്ടെന്ന് വിശ്വസിക്കുകയും ചെയ്യുന്ന എല്ലാവർക്കും ഇത് കൂടുതൽ നല്ല കാര്യങ്ങൾ കൊണ്ടു വരുമെന്ന് എനിക്ക് ഉറപ്പുണ്ട്.എന്റെ പ്രിയപ്പെട്ടവർക്കും ലോകത്തിനും മെച്ചപ്പെട്ടതും സന്തോഷകരവും സമാധാനപരവുമായ കാര്യങ്ങൾ ഉണ്ടാവാൻ പ്രാർത്ഥിക്കുന്നു' എന്നാണ് ഖുശ്‌ബു കുറിച്ചിരിക്കുന്നത്. എക്സ് അക്കൗണ്ടിലാണ് ഖുശ്‌ബു ഇത് പങ്കുവച്ചിരിക്കുന്നത്.
