വമ്പൻ റിലീസിന് ഒരുങ്ങി മലൈക്കോട്ടൈ വാലിബാൻ; ബുക്കിംഗിൽ റെക്കോർഡ് നേട്ടത്തിൽ; അഡ്വാൻസ് ടിക്കറ്റ് ബുക്കിങ് ആ നിർണായക സംഖ്യ മറികടന്നു

കൊച്ചി: വമ്പൻ റിലീസിംഗിന് ഒരുങ്ങിയിരിക്കയാണ് മോഹൻലാൽ ചിത്രം മലൈക്കോട്ടൈ വാലിബൻ. മോഹൻലാൽ നായകനായി വേഷമിട്ട് വരാനിരിക്കുന്ന ചിത്രത്തിൽ ഏറെ പ്രതീക്ഷകളാണ് ആരാധകർക്കുള്ളത്. ലിജോ ജോസ് പല്ലിശേരിയുടെ സംവിധാന മികവും കൂടിയാകുമ്പോൾ പ്രതീക്ഷ വർധിപ്പിക്കുന്നു.

വാലിബനായി മോഹൻലാൽ കാണാൻ കാത്തിരിക്കാനാവുന്നില്ലെന്നാണ് സിനിമയുടെ ആരാധകർ വ്യക്തമാക്കുന്നത്. മലൈക്കോട്ടൈ വാലിബന്റെ ആവേശം അഡ്വാൻസ് ടിക്കറ്റ് ബുക്കിംഗിലും പ്രതിഫലിക്കുകയാണ് എന്നാണ് പുതിയ റിപ്പോർട്ട്. മണിക്കൂറുകൾക്കുള്ളിൽ മോഹൻലാലിന്റെ മലൈക്കോട്ടൈ വാലിബൻ ടിക്കറ്റുകൾ പ്രതീക്ഷിച്ചതിനപ്പുറമാണ് ആരാധകർ ബുക്ക് ചെയ്തിരിക്കുന്നതെന്നാണ് റിപ്പോർട്ട്. മോഹൻലാലിന്റെ മലൈക്കോട്ടൈ വാലിബന്റെ അഡ്വാൻസ് ടിക്കറ്റ് ബുക്കിങ് എണ്ണം ഒരു ലക്ഷം കവിഞ്ഞു എന്നാണ് ബുക്ക് മൈ ഷോയുടെ കണക്കായി സാമൂഹ്യ മാധ്യമത്തിൽ റിപ്പോർട്ട് ചെയ്യപ്പെടുന്നത്.

എന്തായാലും റിലീസിന് മികച്ച കളക്ഷൻ തന്നെയായിരിക്കും മലൈക്കോട്ടൈ വാലിബന് ലഭിക്കുക എന്നാണ് പ്രതീക്ഷിക്കപ്പെടുന്നത്. അത്രത്തോളം വലിയ ഹൈപ്പാണ് ലഭിച്ചിരിക്കുന്നത്. മലൈക്കോട്ടൈ വാലിബൻ ഒരു തെന്നിന്ത്യൻ സിനിമയുടെ വലിയ റിലീസായിരിക്കും കാനഡയിൽ ചെയ്യുക എന്ന ഒരു റിപ്പോർട്ടിന്റെ ആവേശവും ആരാധകരിൽ നിറയുകയാണ്. കാനഡയിൽ ഏകദേശം അമ്പതിലധികം പ്രദേശങ്ങളിലാകും ചിത്രം റിലീസ് ചെയ്യുക. കാനഡയിൽ ജനുവരി 24ന് തന്നെ ചിത്രത്തിന്റെ പ്രീമിയർ സംഘടിപ്പിക്കുന്നുണ്ട് എന്നതാണ് അന്നാട്ടിലെ ആരാധകരെ ആവേശത്തിലാക്കുന്നത്. മോഹൻലാൽ നായകനായി എത്തുന്ന വാലിബൻ സിനിമ വൻ ഹിറ്റാകും എന്ന പ്രതീക്ഷയിലാണ് ആരാധകർ.

സംവിധായകൻ ലിജോ ജോസ് പെല്ലിശ്ശേരിയുടെ ചിത്രത്തിൽ മോഹൻലാൽ എത്തുന്നു എന്ന ഒരു വിശേഷണത്തോടെയുള്ള മലൈക്കോട്ടൈ വാലിബനിൽ ഹരീഷ് പേരടി, കഥ നന്ദി, ഡാനിഷ് സെയ്ത്, മണികണ്ഠൻ ആർ ആചാരി, സോണാലി കുൽക്കർണി. ഹരിപ്രശാന്ത് വർമ, രാജീവ് പിള്ള എന്നിവരും പ്രധാന കഥാപാത്രങ്ങളാകുന്നു. തിരക്കഥയെഴുതുന്നത് പി എസ് റഫീഖാണ്. ഛായാഗ്രാഹണം മധു നീലകണ്ഠനാണ്. സംഗീതം പ്രശാന്ത് പിള്ളയും.