പ്രത്യാഘാതങ്ങളെ കുറിച്ച് പോലും ആശങ്കപ്പെടാതെയാണ് അയാൾ സംസാരിക്കുന്നത്; നിങ്ങളെക്കുറിച്ച് ഓർത്ത് ലജ്ജയാണ് തോന്നുന്നത്: മൻസൂർ അലിഖാനെതിരെ നടി മാളവിക മോഹനൻ

ചെന്നൈ: തൃഷയ്ക്കെതിരെ ലൈംഗികാധിക്ഷേപ പരാമർശം നടത്തിയ മൻസൂർ അലി ഖാനെതിരെ രൂക്ഷ വിമർശനവുമായി നടി മാളവിക മോഹനൻ.

'പല തലങ്ങളിൽ വെറുപ്പ് ഉളവാക്കുന്ന പരാമർശമാണിത്. ഇയാൾ ഇങ്ങനെ സ്ത്രീകളെ കാണുന്നതും അവരെക്കുറിച്ച് ചിന്തിക്കുന്നതും തീർത്തും ലജ്ജാകരമാണ്. എന്നാൽ അവ പരസ്യമായി പറയാനുള്ള ധൈര്യം ഉണ്ടാകുമോ, പ്രത്യാഘാതങ്ങളെ കുറിച്ച് പോലും ആശങ്കപ്പെടാതെയാണ് അയാൾ സംസാരിക്കുന്നത്. നിങ്ങളെക്കുറിച്ച് ഓർത്ത് ലജ്ജയാണ് തോന്നുന്നത്. ഇത് വിചാരിക്കുന്നതിനെക്കാൾ അപമാനകരമാണ്'', എന്നാണ് മാളവിക മോഹനൻ ട്വീറ്റ് ചെയ്തത്. ഒപ്പം മൻസൂർ അലി ഖാൻ നടത്തിയ മോശം പരാമർശത്തിന്റെ വീഡിയോയും പങ്കുവെച്ചിട്ടുണ്ട്.

മുൻപൊരു സിനിമയിൽ ഖുശ്‌ബുവിനെയും റോജയെയും കട്ടിലിലേക്ക് ഇടുന്നത് പോലെ ലിയോയിൽ തൃഷയെ ഇടാൻ പറ്റിയില്ല. സിനിമകളിലെ റേപ് സീനുകളൊന്നും ലിയോയിൽ ഇല്ല, ഉറപ്പായും ബെഡ് റൂം സീൻ കാണുമെന്ന് പ്രതീക്ഷിച്ചു. അതിന് ആഗ്രഹമുണ്ടായിരുന്നു എന്നൊക്കൊണ് ലിയോയുടെ പ്രൊമോഷനുമായി ബന്ധപ്പെട്ട് നടന്ന പ്രസ്മീറ്റിൽ മൻസൂർ പറഞ്ഞിരുന്നത്. മൻസൂറിന്റെ വാക്കുകളെ ശക്തമായ രീതിയിൽ അപലപിക്കുന്നുവെന്നും നടനൊപ്പം ഇനി ഒരിക്കലും സ്‌ക്രീൻ സ്പേസ് പങ്കിടില്ല എന്നുമാണ് തൃഷ പ്രതികരിച്ചത്.