- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
മോഹൻലാൽ - ശ്രീനിവാസൻ കോംബോ വീണ്ടും വെള്ളിത്തിരയിൽ എത്തുമോ?
കൊച്ചി: വിനീത് ശ്രീനിവാസൻ സംവിധാനത്തിലൊരുങ്ങിയ 'വർഷങ്ങൾക്കു ശേഷം' തിയേറ്ററുകളിൽ വിജയകരമായി പ്രദർശനം തുടരുകയാണ്. ചിത്രം കണ്ടിറങ്ങിയ സന്തോഷത്തിലാണ് ശ്രീനിവാസൻ. തന്റെ ആരോഗ്യം അനുവദിച്ചാൽ വീണ്ടുമൊരു മോഹൻലാൽ-ശ്രീനിവാസൻ ചിത്രം മലയാളത്തിൽ ഉണ്ടാകുമെന്നും നടൻ ശ്രീനിവാസൻ പറഞ്ഞു.
സിനിമ കണ്ടതിനു ശേഷം സംവിധായകൻ പറഞ്ഞു കൊടുക്കുന്നത് തെറ്റാതെ ചെയ്യുന്നവരെ കാണാൻ വളരെ പ്രയാസമാണെന്നും അച്ഛനെന്ന രീതിയിൽ അഭിമാനം തോന്നുന്നുണ്ടോ എന്ന ചോദ്യത്തിന് എല്ലാം താൻ പറഞ്ഞു കൊടുത്തതായിരുന്നുവെന്നും ശ്രീനിവാസൻ പറഞ്ഞു.
സിനിമ കണ്ടപ്പോൾ തനിക്കും നൊസ്റ്റാൾജിയ തോന്നിയെന്നും നിവിൻ പോളി നന്നായിട്ടുണ്ടെന്നും അദ്ദേഹം പറഞ്ഞു. ധ്യാനിനെയും പ്രണവിനെയും പഴയ ദാസനെയും വിജയനെയും ഓർമിപ്പിച്ചോ എന്ന ചോദ്യത്തിന് അവർ മിമിക്രി കാണിച്ചില്ലെന്നും അവരുടേതായ രീതിയിൽ നന്നായി ചെയ്തുവെന്നും ശ്രീനിവാസൻ പറഞ്ഞു. വിനീത് ഇതുവരെ സ്ക്രിപ്റ്റ് ഒന്നും ചോദിച്ചില്ലെന്നും ആവശ്യമാണെങ്കിൽ സ്ക്രിപ്റ്റ് നൽകുമെന്നും ശ്രീനിവാസൻ പറഞ്ഞു.
മോഹൻലാലും ശ്രീനിവാസനും ഒരുമിക്കുന്ന ഒരു സിനിമ ഉണ്ടാകുമോ എന്ന ചോദ്യത്തിന് അതിന് സാധ്യതയുണ്ടെന്നും ശ്രീനിവാസൻ പറഞ്ഞു. അങ്ങനെ ഒരു ചർച്ച നടന്നിട്ടുണ്ടെന്നും ആരോഗ്യപരമായ പ്രശ്നങ്ങൾ ഉള്ളതിനായാണ് ഇത് നടക്കാത്തതെന്നും ശ്രീനിവാസൻ കൂട്ടിച്ചേർത്തു.