മുംബൈ: തെന്നിന്ത്യയിലൂടെ എത്തി ബോളിവുഡ് സ്വന്തമാക്കിയ താരമാണ് പൂജ ഹെഗ്ഡെ. ഹിന്ദിയിൽ തിരക്കുള്ള നായികയായി മാറിയിരിക്കുകയാണ് താരം. ഷാഹിദ് കപൂർ നായകനായി എത്തുന്ന ദേവയാണ് താരത്തിന്റെ പുതിയ ചിത്രം. ഇപ്പോൾ മുംബൈയിൽ പുതിയ വീട് വാങ്ങിയിരിക്കുകയാണ് പൂജ ഹെഗ്ഡെ.

മുംബൈയിലെ ബാന്ദ്രയിലാണ് കടലിന് അഭിമുഖമായിട്ടുള്ള പുതിയ വീട് താരം സ്വന്തമാക്കിയിരിക്കുന്നത്. 4,000 സ്‌ക്വയർ ഫീറ്റിലുള്ള വീടിന് 45 കോടിയാണ് വിലവരുന്നത്. ബോളിവുഡിൽ തിരക്കിലായതോടെയാണ് താരം മുംബൈയിൽ സ്വന്തമായി വീട് സ്വന്തമാക്കിയത്.

മുംബൈയിൽ ജനിച്ചുവളർന്ന പൂജ തമിഴ് സിനിമയിലൂടെയാണ് ശ്രദ്ധേയയാവുന്നത്. അല്ലു അർജുനൊപ്പമുള്ള ലാ വൈകണ്ഠപുരമലു എന്ന ചിത്രമാണ് പൂജയെ കൂടുതൽ പ്രശസ്തയാക്കുന്നത്. സൽമാൻ ഖാന്റെ നായകനായി എത്തിയ കിസി കാ ഭായ് കിസി കി ജാൻ ആണ് അവസാനം പുറത്തിറങ്ങിയ ചിത്രം.