കുളിക്കുമ്പോൾ രഹസ്യമായി ദൃശ്യങ്ങൾ പകർത്തി; തന്റെ നഗ്‌നദൃശ്യങ്ങൾ 47 ലക്ഷം രൂപയ്ക്ക് വിറ്റു; മുൻ ഭർത്താവിനെതിരെ വീണ്ടും രാഖി സാവന്ത്
മുംബൈ: എപ്പോഴും വിവാദ പ്രസ്താവനകൾ കൊണ്ട് മാധ്യമങ്ങളിൽ നിറയുന്ന താരമാണ് രാഖി സാവന്ത. ഇപ്പോൾ മുൻ ഭർത്താവ് ആദിൽ ദുറാനിക്കെതിരെ ഗുരുതര ആരോപണങ്ങളുമായി രംഗത്തു വന്നിരിക്കയാണ് രാഖി. ദുബായിൽ വെച്ച് തന്റെ നഗ്‌നദൃശ്യങ്ങൾ 47 ലക്ഷം രൂപയ്ക്ക് ആദിൽ വിറ്റു എന്നാണ് പിങ്ക് വില്ലയ്ക്ക് നൽകിയ അഭിമുഖത്തിൽ രാഖി ആരോപിക്കുന്നത്. കുളിക്കുമ്പോൾ രഹസ്യമായി പകർത്തിയതുൾപ്പെടെയുള്ള ദൃശ്യങ്ങൾ ഇക്കൂട്ടത്തിലുണ്ടെന്നും ആ വീട്ടിൽ തന്നെ ആദിൽ ബലാത്സംഗം ചെയ്യുകയായിരുന്നെന്നും രാഖി സാവന്ത് ആരോപിച്ചു.
വിവാഹേതര ബന്ധം ഉൾപ്പെടെ നിരവധി ആരോപണങ്ങൾ രാഖി സാവന്ത് ഉന്നയിച്ചതിനേത്തുടർന്ന് ഇക്കഴിഞ്ഞ ഫെബ്രുവരി ഏഴിന് ആദിൽ അറസ്റ്റിലായിരുന്നു. തന്നെ ശാരീരികമായി ഉപദ്രവിച്ചെന്നും രാഖി സാവന്ത് ആരോപിച്ചിരുന്നു. ജയിലിൽ നിന്ന് പുറത്തിറങ്ങിയ ശേഷം നടത്തിയ പ്രസ് മീറ്റിൽ വെച്ച് രാഖിക്കെതിരെ ഗുരുതരമായ നിരവധി ആരോപണങ്ങളും അദ്ദേഹം ഉന്നയിച്ചിരുന്നു. ഇതിനുപിന്നാലെയാണിപ്പോൾ ആദിൽ ദുറാനിക്കെതിരെ പുതിയ ആരോപണങ്ങളുമായി രാഖി രംഗത്തെത്തിയത്.
ആ രംഗങ്ങൾ ഇന്റർനെറ്റിൽ പ്രചരിച്ചാൽ തനിക്ക് ആത്മഹത്യ ചെയ്യുകയേ നിവൃത്തിയുള്ളൂ എന്ന് രാഖി സാവന്ത് പറഞ്ഞു. ലോകം മുഴുവൻ ആ വീഡിയോകൾ കണ്ടാൽ താനെങ്ങോട്ടുപോവും ലോകത്തിന് മുന്നിൽ ഞാനെങ്ങനെ മുഖം കാണിക്കും ഞാനൊരു സാധാരണ പെൺകുട്ടിയല്ല. സെലിബ്രിറ്റിയും ബ്രാൻഡുമാണ്. നടി പറഞ്ഞു. അതേസമയം രാഖിയെ വിശ്വസിച്ചതാണ് താൻ ചെയ്ത ഏറ്റവും വലിയ തെറ്റെന്നും വിവാഹത്തിന് ശേഷവും രാഖി മുൻഭർത്താവ് റിതേഷുമായി ബന്ധം തുടർന്നെന്നുമാണ് ആദിൽ ആരോപിക്കുന്നത്.
താൻ മൈസൂരിൽ നിന്നുള്ള സാധാരണ ബിസിനസുകാരനാണ്. 2022-ലാണ് ഞങ്ങൾ വിവാഹിതരായത്. രാഖി മുൻഭർത്താവുമായുള്ള ബന്ധം തുടർന്നിരുന്നു. ഇതു താൻ കണ്ടെത്തി. പ്രശ്നങ്ങൾ ഒഴിവാക്കാനാണ് വിവാഹ മോചനത്തെക്കുറിച്ച് ചിന്തിച്ചത്. തന്റെ വസ്ത്രങ്ങളും മറ്റും എടുക്കാനായി രാഖിയുടെ വീട്ടിൽ പോയിരുന്നു. അന്ന് അവർ എന്റെ കാലിൽ വീണ് കരയാനും മാപ്പ് പറയാനും തുടങ്ങി. ആദ്യ ഭർത്താവുമായി വീണ്ടും ബന്ധം തുടങ്ങിയെന്ന കാര്യം ആരോടും പറയരുതെന്ന് പറഞ്ഞു. ആ സമയത്താണ് പൊലീസ് വീട്ടിൽ വന്നത്. അവരോട് ഞാൻ ഉപദ്രവിക്കുകയാണെന്ന് പറഞ്ഞു. തനിക്കെതിരേ നിരവധി ആരോപണങ്ങൾ ഉന്നയിച്ചു. പിന്നാലെയാണ് പൊലീസ് അറസ്റ്റ് ചെയ്തതെന്നുമാണ് കഴിഞ്ഞദിവസം ആദിൽ പറഞ്ഞത്.
