വിരാജ്‌പേട്ട: തെന്നിന്ത്യയിലും ബോളിവുഡിലും ഒരുപോലെ തിളങ്ങുന്ന താരമാണ് രശ്മിക മന്ദാന. ആനിമിൽ സിനിമയിലൂടെ ദേശീയ തലത്തിൽ വലിയ പ്രശസ്തിയാണ് നടിക്ക് ലഭിച്ചത്. ഗീതാഗോവിന്ദം, ഡിയർ കോമ്രേഡ്, പുഷ്പ, സീതാരാമം തുടങ്ങിയ സിനിമകളിൽ തിളങ്ങിയ രശ്മിക ബോളിവുഡിലും തന്റെ സാന്നിധ്യമറിയിച്ചു കഴിഞ്ഞു.

അമിതാഭ് ബച്ചനൊപ്പം ഗുഡ്‌ബൈ, സിദ്ധാർത്ഥ് മൽഹോത്രകൊപ്പം മിഷൻ മജ്‌നു തുടങ്ങിയ സിനിമകളിൽ അഭിനയിച്ച രസ്മിക രൺബീർ കപൂറിന്റെ നായികയായി ആനിമൽ എന്ന ചിത്രത്തിലുമെത്തിയിരുന്നു.

കർണാടക സ്വദേശിയാണ് രശ്മിക. ഇപ്പോൾ സ്വന്തം നാട്ടിലെ ഒരു കൂട്ടുകാരിയുടെ വിവാഹത്തിന് എത്തിയിരിക്കുകയാണ് രശ്മിക. കുടക് സ്വദേശിയായ രശ്മിക ഇപ്പോൾ ഏറ്റവും അടുത്ത സുഹൃത്തിന്റെ വിവാഹത്തിന് വേണ്ടി കുടകിലെ സ്വന്തം നാട്ടിൽ എത്തിയിരിക്കുകയാണ്. അവിടെ വിവാഹത്തിന് പരമ്പരാഗത കുടക് വേഷം ധരിച്ചാണ് രശ്മിക പ്രത്യക്ഷപ്പെട്ടത്. ഇതിന്റെ ഫോട്ടോകൾ നടി തന്നെയാണ് പങ്കുവച്ചത്.