കൊച്ചി: യാത്രകളെ ഇഷ്ടപ്പെടുന്ന യുവനടിയാണ് സാനിയ അയ്യപ്പൻ. സൈബറിടത്തിലും സജീവമാണ് നടി. വിദേശ രാജ്യങ്ങളിൽ നിന്നുള്ള താരത്തിന്റെ അവധിക്കാല ചിത്രങ്ങൾ പലപ്പോഴും വൈറലാവാറുണ്ട്. ഇപ്പോൾ തായ്ലൻഡിലാണ് താരം. സോഷ്യൽ മീഡിയയിൽ വൈറലാവുന്നത് സാനിയയുടെ തായ്ലൻഡ് വിശേഷങ്ങളാണ്.

ആനകൾക്കൊപ്പം സമയം ചെലവഴിക്കുന്ന സാനിയയെ ആണ് ചിത്രങ്ങളിൽ കാണുന്നത്. ആനത്തൊട്ടിലിൽ എത്തി ആനകളെ കുളിപ്പിക്കുകയും ഭക്ഷണം കൊടുക്കുകയും ചെയ്യുന്നതിന്റെ വിഡിയോയും താരം പോസ്റ്റ് ചെയ്തിട്ടുണ്ട്.

ആരാധകരെ ഞെട്ടിച്ചിരിക്കുകയാണ് ആനയ്ക്കൊപ്പമുള്ള സാനിയയുടെ ചിത്രങ്ങൾ. സാനിയയുടെ ധൈര്യത്തെ പ്രശംസിച്ചുകൊണ്ടാണ് കമന്റുകൾ. കൂടാതെ ആനയ്ക്കൊപ്പമുള്ള ഒരു ചിത്രം ആരാധകരുടെ മനം കവർന്നു. ആന സെൽഫി എടുക്കുന്നതുപോലെയുണ്ട് എന്നാണ് കമന്റുകൾ.