- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
നടി പ്രഗ്യ നാഗ്രയുമായുള്ള ചിത്രങ്ങൾ സൈബറിടത്തിൽ വൈറൽ
ചെന്നൈ: തമിഴ്നടൻ ജയ് വിവാഹിതനായെന്ന വാർത്തകൾ സോഷ്യൽ മീഡിയയിൽ വൈറലായിരുന്നു. നടി പ്രഗ്യ നാഗ്രയെ താരം രഹസ്യ വിവാഹം ചെയ്തു എന്നായിരുന്നു വാർത്തകൾ. ഇപ്പോൾ ഇതിൽ വിശദീകരണവുമായി എത്തിയിരിക്കുകയാണ് ജയ്. താന് നയന്റീസ് കിഡ് ആയ സിങ്കിൾ ആണെന്നായിരുന്നു ജയ് ഇൻസ്റ്റഗ്രാം സ്റ്റോറിയായി കുറിച്ചത്. നടി പ്രഗ്യയും വാർത്തകളിൽ പ്രതികരണം അറിയിച്ചിട്ടുണ്ട്. ചെന്നൈ സൂപ്പർകിങ്സിന്റെ മത്സരം കാണാനെത്തിയപ്പോൾ എടുത്ത ചിത്രത്തിനൊപ്പമായിരുന്നു പോസ്റ്റ്. താൻ ഇപ്പോഴും അവിവാഹിതയാണ് എന്നാണ് പ്രഗ്യ കുറിച്ചത്.
കഴിഞ്ഞ ദിവസമാണ് ഇരുവരും ഒന്നിച്ചുള്ള ചിത്രം സോഷ്യൽ മീഡിയയിൽ വൈറലായത്. 'ദൈവത്തിന്റെ അനുഗ്രഹത്തോടെ പുതിയ ജീവിതം ആരംഭിച്ചു,"എന്ന അടിക്കുറിപ്പോടെ ജയ്യും നടി പ്രഗ്യ നാഗ്രയും പങ്കുവച്ച ഇൻസ്റ്റഗ്രാം സ്റ്റോറിയായിരുന്നു വാർത്തകൾക്ക് ആധാരം.പരമ്പരാഗത തമിഴ് രീതിയിലുള്ള താലി അണിഞ്ഞ് ജയ്ക്കൊപ്പം ഇരിക്കുന്ന പ്രഗ്യയെ ആണ് ഫോട്ടോയിൽ. ഇരുവരുടേയും കയ്യിൽ പാസ്പോർട്ടും ഫ്ളൈറ്റ് ടിക്കറ്റും കാണാം. ഇതോടെയാണ് ഇരുവരും രഹസ്യമായി വിവാഹം ചെയ്തെന്ന വാർത്തകൾ പരന്നത്.
എന്നാൽ ഷൂട്ടിങ് ലൊക്കേഷനിൽ നിന്നുള്ളതായിരുന്നു ചിത്രങ്ങൾ. ചിത്രത്തിൽ ഇവർക്കു പിന്നിലായി ക്യാമറ സജ്ജീകരിച്ചിരിക്കുന്നത് വ്യക്തമായി കാണാം. 'ബേബി ആൻഡ് ബേബി' എന്ന സിനിമയിൽ ഒരുമിച്ച് അഭിനയിച്ചുകൊണ്ടിരിക്കുകയാണിപ്പോൾ ജയ്യും പ്രഗ്യയും. ചിത്രത്തിന്റെ പ്രമോഷനായാണ് താരങ്ങൾ വിവാഹ ചിത്രം പങ്കുവച്ചത്. ഇവർക്കെതിരെ സോഷ്യൽ മീഡിയയിൽ രൂക്ഷ വിമർശനവും ഉയരുന്നുണ്ട്.