'ആണുങ്ങൾ പ്ലാസ്റ്റിക് കവർ പോലെ', പ്രയോജനമില്ലെന്ന് ട്വിങ്കിൾ ഖന്ന; രൂക്ഷ വിമർശനവുമായി കങ്കണ റണാവത്ത്; അതോണോ ഫെമിനിസമെന്ന് കങ്കണയുടെ ചോദ്യം

മുംബൈ: പുരുഷന്മാർക്കെതിരെയുള്ള പരാമർശത്തിൽ ട്വിങ്കിൾ ഖന്നയ്ക്കെതിരെ രൂക്ഷ വിമർശനവുമായി നടി കങ്കണ റണാവത്ത്. ആണുങ്ങൾ പ്ലാസ്റ്റിക് ബാഗ് പോലെയാണ് എന്നായിരുന്നു ഡിസംബറിൽ നടന്ന ഒരു പരിപാടിക്കിടെ ട്വിങ്കിൾ ഖന്ന പറഞ്ഞത്. ഇതിന്റെ വീഡിയോ പങ്കുവച്ചുകൊണ്ടാണ് കങ്കണ രൂക്ഷ വിമർശനം നടത്തിയത്.

തങ്ങളുടെ പുരുഷന്മാരെ പ്ലാസ്റ്റിക് കവറുകൾ എന്ന് വിളിക്കുന്ന ഈ പ്രിവിലേജ്ഡ് ബ്രാറ്റ്സ് എന്തിനാണ് ശ്രമിക്കുന്നത്? അവർ കൂളായിരിക്കാൻ ശ്രമിക്കുകയാണോ? വെള്ളിക്കരണ്ടികളുമായി ജനിച്ച നെപ്പോകിഡ്സിന്, സ്വർണ്ണ തളികകളിൽ സിനിമാ ജീവിതം നൽകും. അവർക്ക് അഭിനയത്തോട് നീതി പുലർത്താൻ തീർച്ചയായും കഴിയില്ല. കുറഞ്ഞത് അവർക്ക് മാതൃത്വത്തിന്റെ നിസ്വാർത്ഥതയിൽ കുറച്ച് സന്തോഷവും സംതൃപ്തിയും കണ്ടെത്താനാകും, അത് ഒരു ശാപമായി തോന്നുന്നു. അവരുടെ കാര്യത്തിൽ. കൃത്യമായി എന്തായിരിക്കാനാണ് അവർ ആഗ്രഹിക്കുന്നത്? പച്ചക്കറിയോ? അതാണോ ഫെമിനിസം.- കങ്കണ ചോദിച്ചു.

ഫെമിനിസ്റ്റ് ആണെന്ന് എങ്ങനെ മനസിലായി എന്ന ചോദ്യത്തിനാണ് ട്വിങ്കിൾ ഖന്ന പുരുഷന്മാരെ പ്ലാസ്റ്റിക് കിറ്റിനോട് ഉപമിച്ചത്. നമ്മൾ ഫെമിനിസത്തേക്കുറിച്ചോ സമത്വത്തെക്കുറിച്ചോ ഒന്നും സംസാരിക്കാറില്ല. എന്നാൽ ഇവിടെ പുരുഷന്മാർ വേണ്ട എന്ന കാര്യം വളരെ കൃത്യമാണ്. നിങ്ങൾക്ക് ഒരു നല്ല ഹാൻഡ്ബാഗ് ഉള്ളതുപോലെ ഒരു പുരുഷൻ ഉണ്ടായിരിക്കുന്നത് വളരെ നല്ലതാണ്.

എന്നാൽ നിങ്ങളുടെ കയ്യിൽ ഒരു പ്ലാസ്റ്റിക് ബാഗ് ഉണ്ടെങ്കിൽ പോലും അത് ചെയ്യും. അങ്ങനെ ആ സങ്കൽപ്പത്തിൽ ഞാൻ വളർന്നു, അവ കൊണ്ട് കാര്യമായ പ്രയോജനമൊന്നുമില്ലെന്ന് എനിക്ക് വളരെക്കാലമായി തോന്നി.- എന്നാണ് ട്വിങ്കിൾ ഖന്ന പറഞ്ഞത്.