- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
- Home
- /
റിലീസ് മാറ്റിവെച്ച 'ധ്രുവനച്ചത്തിര'ത്തിന് ബുക്ക് മൈ ഷോയിൽ 9.1 റേറ്റിംഗും റിവ്യൂവും; സ്ക്രീൻ ഷോട്ട് പങ്കുവെച്ച് പരിഹാസ്യവുമായി വിജയ് ബാബു
കൊച്ചി: റിലീസ് മാറ്റിവച്ച വിക്രം ചിത്രം ധ്രുവ നച്ചത്തിരത്തിന് ടിക്കറ്റ് ബുക്കിങ് സൈറ്റായ ബുക്ക് മൈ ഷോയിൽ 9.1 റേറ്റിങ് ! നടനും സംവിധായകനുമായ വിജയ് ബാബുവാണ് ഇതിന്റെ സ്ക്രീൻ ഷോട്ടുകൾ അടക്കം ഫേസ്ബുക്കിൽ പങ്കുവച്ചിരിക്കുന്നത്.
'ധ്രുവനച്ചത്തിരം റിലീസ് അവസാന നിമിഷം മാറ്റിവച്ചതാണ്. എന്നാൽ ബുക്ക് മൈ ഷോയിൽ റിവ്യൂകളും റേറ്റിംഗും കാണിക്കുന്നുണ്ട്. റിലീസ് ചെയ്യാത്ത ഒരു സിനിമയ്ക്ക് 9.1 റേറ്റിങ്' എന്ന അടികുറിപ്പോടെയാണ് സ്ക്രീൻ ഷോട്ടുകൾ പങ്കുവച്ചിരിക്കുന്നത്. സിനിമയുടെ സംവിധായകൻ ഗൗതം മേനോൻ തന്നെയാണ് ധ്രുവ നച്ചത്തിരത്തിന്റെ റിലീസ് മാറ്റിവയ്ക്കുന്നുവെന്ന കാര്യം സോഷ്യൽ മീഡിയയിലൂടെ അറിയിച്ചത്. സിനിമയുടെ റിലീസ് വൈകിയതിൽ ഗൗതം മേനോൻ പ്രേക്ഷകരോട് മാപ്പ് ചോദിച്ചു. ഏറെ ശ്രമിച്ചുവെങ്കിലും ചിത്രം പറഞ്ഞ ദിവസം എത്തിക്കാൻ കഴിഞ്ഞില്ലെന്നാണ് ഗൗതം മേനോൻ പറഞ്ഞത്.
തമിഴ്നാട്ടിലെ വിതരണക്കാരുമായി ബന്ധപ്പെട്ട ചില ആശയക്കുഴപ്പം കാരണമാണ് സിനിമയുടെ റിലീസ് നീട്ടിയത് എന്നാണ് വിവരം. ഉദയനിധി സ്റ്റാലിന്റെ റെഡ് ജൈന്റ് മൂവിസാണ് ചിത്രത്തിന്റെ വിതരണം. ഏഴ് വർഷത്തെ കാത്തിരിപ്പിനൊടുവിലാണ് ധ്രുവ നച്ചത്തിരം പ്രദർശനത്തിന് എത്തേണ്ടിയിരുന്നത്.
2016ലാണ് ധ്രുവ നച്ചത്തിരത്തിന്റെ ചിത്രീകരണം ആരംഭിച്ചത്. എന്നാൽ പല കാരണങ്ങളാൽ സിനിമയുടെ ചിത്രീകരണം നിർത്തിവെക്കേണ്ടി വന്നു. ഇടയ്ക്ക് ചിത്രത്തെ കുറിച്ച് യാതൊരു അപ്ഡേഷനുകളും ഉണ്ടായിരുന്നില്ല. തുടർന്ന് കഴിഞ്ഞ മാസമായിരുന്നു ചിത്രത്തിന്റെ പുതിയ അപ്ഡേഷനുകൾ പുറത്തു വന്നത്.
ചിത്രത്തിൽ ജോൺ എന്ന രഹസ്യാന്വേഷണ ഏജന്റായിട്ടാണ് വിക്രം വേഷമിടുന്നത്. ചിയാനൊപ്പം മലയാളത്തിന്റെ സ്വന്തം വിനായകനും സിനിമയിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഋതു വർമ്മ, ഐശ്വര്യ രാജേഷ്, സിമ്രാൻ, ആർ പാർത്ഥിപൻ, വിനായകൻ, രാധിക ശരത്കുമാർ, ദിവ്യദർശിനി, മുന്ന സൈമൺ, സതീഷ് കൃഷ്ണൻ, വംശി കൃഷ്ണ, സലിം ബെയ്ഗ് എന്നിവരടങ്ങുന്ന വമ്പൻ താരനിരയാണ് ചിത്രത്തിലുള്ളത്.