വായ്‌നാറ്റം മുതൽ ദഹനക്കുറവ് വരെ മാറുന്ന അത്ഭുത ഭക്ഷണം; കൊളസ്‌ട്രോൾ കുറയ്ക്കുന്ന മാജിക്ക് മരുന്ന് ; കുപ്പത്തോട്ടിൽ കിളിർത്ത് ഫലം തന്നിട്ടും നമ്മൾ വേണ്ടെന്ന് വച്ച തേങ്ങയും വെളിച്ചെണ്ണയും മാറോട് ചേർത്ത് പാശ്ചാത്യ ലോകം; തേങ്ങയ്ക്കും വെളിച്ചെണ്ണയ്ക്കും യുകെയിൽ ഡിമാൻഡ് ഉയരുന്നത് അനുനിമിഷം
കൊളസ്‌ട്രോൾ ഉണ്ടാകുമെന്ന പ്രചാരണത്തിൽ വിശ്വസിച്ച് കേരളീയരായ നാം പോലും വെളിച്ചെണ്ണയെയും നാളികേരത്തെയും അകറ്റി നിർത്തുന്ന അവസരത്തിലിതാ നമ്മുടെ തേങ്ങയെയും വെളിച്ചെണ്ണയെയും പാശ്ചാത്യ ലോകം മാറോട് ചേർക്കുന്നുവെന്ന് ഏറ്റവും പുതിയ റിപ്പോർട്ട്. കുപ്പത്തോട്ടിൽ കിളിർത്ത് ഫലം തന്നിട്ടും നമ്മൾ വേണ്ടെന്ന് വച്ച തേങ്ങയ്ക്കും വെളിച്ചെണ്ണയ്ക്കും യുകെയിൽ ഡിമാൻഡ് ഉയരുന്നത് അനുനിമിഷമാണ്. വായ്‌നാറ്റം മുതൽ ദഹനക്കുറവ് വരെ മാറുന്ന അത്ഭുത ഭക്ഷണമായും കൊളസ്‌ട്രോൾ കുറയ്ക്കുന്ന മാജിക്ക് മരുന്നായുമാണ് പാശ്ചാത്യർ നിലവിൽ തേങ്ങയെയും വെളിച്ചെണ്ണയെയും വാഴ്‌ത്തുന്നത്. 2014ൽ യുകെയിൽ 4.4 മില്യൺ പൗണ്ടിന്റെ വെളിച്ചെണ്ണ വ്യാപാരമായിരുന്നു നടന്നിരുന്നതെങ്കിൽ ഈ വർഷം ഇത് 24 മില്യൺ പൗണ്ടായി കുതിച്ച് കയറിയിരിക്കുന്നുവെന്ന് ഏറ്റവും പുതിയ കണക്കുകൾ വെളിപ്പെടുത്തുന്നു. വെളിച്ചെണ്ണക്ക് ആരോഗ്യ ഗുണങ്ങളുണ്ടോ അതല്ല അത് പലവിധ രോഗങ്ങൾക്ക് വഴിയൊരുക്കുന്നതാണോ എന്നതിനെ സംബന്ധിച്ച് തിരക്കിട്ട വാഗ്വാദങ്ങളും ചർച്ചകളും കൊഴുക്കുന്നതിനിടെയാണ് യുകെയിൽ വ
കൊളസ്‌ട്രോൾ ഉണ്ടാകുമെന്ന പ്രചാരണത്തിൽ വിശ്വസിച്ച് കേരളീയരായ നാം പോലും വെളിച്ചെണ്ണയെയും നാളികേരത്തെയും അകറ്റി നിർത്തുന്ന അവസരത്തിലിതാ നമ്മുടെ തേങ്ങയെയും വെളിച്ചെണ്ണയെയും പാശ്ചാത്യ ലോകം മാറോട് ചേർക്കുന്നുവെന്ന് ഏറ്റവും പുതിയ റിപ്പോർട്ട്. കുപ്പത്തോട്ടിൽ കിളിർത്ത് ഫലം തന്നിട്ടും നമ്മൾ വേണ്ടെന്ന് വച്ച തേങ്ങയ്ക്കും വെളിച്ചെണ്ണയ്ക്കും യുകെയിൽ ഡിമാൻഡ് ഉയരുന്നത് അനുനിമിഷമാണ്. വായ്‌നാറ്റം മുതൽ ദഹനക്കുറവ് വരെ മാറുന്ന അത്ഭുത ഭക്ഷണമായും കൊളസ്‌ട്രോൾ കുറയ്ക്കുന്ന മാജിക്ക് മരുന്നായുമാണ് പാശ്ചാത്യർ നിലവിൽ തേങ്ങയെയും വെളിച്ചെണ്ണയെയും വാഴ്‌ത്തുന്നത്.
2014ൽ യുകെയിൽ 4.4 മില്യൺ പൗണ്ടിന്റെ വെളിച്ചെണ്ണ വ്യാപാരമായിരുന്നു നടന്നിരുന്നതെങ്കിൽ ഈ വർഷം ഇത് 24 മില്യൺ പൗണ്ടായി കുതിച്ച് കയറിയിരിക്കുന്നുവെന്ന് ഏറ്റവും പുതിയ കണക്കുകൾ വെളിപ്പെടുത്തുന്നു. വെളിച്ചെണ്ണക്ക് ആരോഗ്യ ഗുണങ്ങളുണ്ടോ അതല്ല അത് പലവിധ രോഗങ്ങൾക്ക് വഴിയൊരുക്കുന്നതാണോ എന്നതിനെ സംബന്ധിച്ച് തിരക്കിട്ട വാഗ്വാദങ്ങളും ചർച്ചകളും കൊഴുക്കുന്നതിനിടെയാണ് യുകെയിൽ വെളിച്ചെണ്ണ പ്രിയങ്കരമായിക്കൊണ്ടിരിക്കുന്നതെന്നത് ശ്രദ്ധേയമാണ്. ഈ അടുത്ത കാലം വരെ നിരവധി പ്രമുഖർ വെളിച്ചെണ്ണ ദോഷമുണ്ടാക്കുന്നതാണെന്ന കടുത്ത പ്രചാരണം നടത്തിയിരുന്നു.
എന്നാൽ ഇപ്പോൾ അവരിൽ മിക്കവരും സ്വാനുഭവത്തിന്റെ വെളിച്ചത്തിൽ നിലപാട് മാറ്റിത്തുടങ്ങിയതിന് ഉദാഹരണങ്ങളേറെയുണ്ട്. പ്രമുഖ ടിവി ഡയറക്ടറായ മൈക്കൽ മോസ്ലെ ഇതിനൊരുദാഹരണമാണ്. ഒരു മെഡിക്കൽ സ്റ്റുഡന്റ് എന്ന നിലയിൽ ശ്രീലങ്കയിലെ ആശുപത്രിയിൽ മൂന്ന് മാസം ചെലവഴിച്ചപ്പോഴാണ് വെളിച്ചെണ്ണയുടെ ഗുണങ്ങൾ താൻ അനുഭവിച്ചറിഞ്ഞതെന്നും അദ്ദേഹം വെളിപ്പെടുത്തുന്നു.
വെളിച്ചെണ്ണയുടെ ആരോഗ്യ ഗുണങ്ങൾ കണ്ടെത്തി പാശ്ചാത്യ ഗവേഷകരുടെ പ്രശംസ
സമീപകാലത്തായി യുകെയടക്കമുള്ള പാശ്ചാത്യ രാജ്യങ്ങളിലെ വിവിധ ഗവേഷകർ നടത്തിയ വിവിധ പഠനങ്ങളിലൂടെ വെളിച്ചെണ്ണയുടെ വിവിധ ഗുണങ്ങളെ എടുത്ത് കാട്ടിയത് വെളിച്ചെണ്ണയുടെ ചീത്തപ്പേര് ഒഴിവാകുന്നതിനും അതിന്റെ ജനപ്രിയത വർധിപ്പിക്കുന്നതിനും വഴിയൊരുക്കിയിരുന്നു. വെളിച്ചെണ്ണ കഴിച്ചാൽ അമിതമായി ഭക്ഷണം കഴിക്കുന്ന ശീലം ഇല്ലാതാവുമെന്നും അതിലൂടെ പൊണ്ണത്തടിയും അമിത ഭാരവും കുറയ്ക്കാമെന്നും പാശ്ചാത്യർ നടത്തിയ നിരവധി പഠനങ്ങളിലൂടെ തെളിഞ്ഞത് ഇവിടെ വെളിച്ചെണ്ണയ്ക്ക് ശുക്രദശ ഉണ്ടാകുന്നതിന് വഴിയൊരുക്കി.
അൽഷിമേഴ്‌സ് കാരണം മസ്തിഷ്‌കത്തിലെ കോശങ്ങൾക്ക് ഊർജത്തിനായി ഗ്ലൂക്കോസിനെ ഉപയോഗിക്കുന്നതിനുള്ള കഴിവ് നശിക്കുമെന്ന് കണ്ടെത്തിയിരുന്നു. ഇതിനെ തുടർന്ന് മസ്തിഷ്‌കത്തിന്റെ പ്രവർത്തനം മോശമാവുകയും ചെയ്യും. ഇതിനൊരു പരിഹാരമായി കെടോണസ് എന്ന കോമ്പൗണ്ട്‌സ് പകരം ഊർജ ഉറവിടം എന്ന നിലിയിൽ നൽകിയാൽ മതി. വെളിച്ചെണ്ണയിലെ ഫാറ്റി ആസിഡ് ദഹിക്കുമ്പോൾ അതിൽ നിന്നും കെടോണസ് സൃഷ്ടിക്കപ്പെടുമെന്ന് കണ്ടെത്തിയതും വെളിച്ചെണ്ണയ്ക്ക് ഗുണം ചെയ്തിരിക്കുന്നു. ഇതിന് പുറമെ താരൻ, ചർമ വീക്കം അഥവാ ഡെർമാറ്റിറ്റിസ് തുടങ്ങിയ നിരവധി അസുഖങ്ങൾക്കും വെളിച്ചെണ്ണ ഉത്തമ പ്രതിവിധിയാണെന്ന് വിവിധ പഠനങ്ങൾ കണ്ടെത്തിയതും പടിഞ്ഞാറൻ നാടുകളിൽ ഇതിനെ സൂപ്പർതാരമാക്കിയിരിക്കുന്നു.
