ഡബ്ലിൻ: അയർലണ്ടിലെ പ്രമുഖ കലാ  സാംസ്‌കാരിക സംഘടനയായ മലയാളം   ഒരുക്കുന്ന 'കോമഡി ആൻഡ് മ്യൂസിക് ഫെസ്റ്റ് 2016' നു ആവേശം പകരാൻ ഓസ്ട്രിയയിൽ നിന്നും പ്രശസ്ത  ഗായകനായ അലക്‌സ് ജോയും എത്തുന്നു. ഓസ്ട്രിയയിൽ സ്ഥിരതാമസക്കാരനായ അലക്‌സ് തൃശ്ശൂർ സ്വദേശിയാണ്. യു.എൻ ഉദ്യോഗസ്ഥനായ ഇദ്ദേഹം അറിയപ്പെടുന്ന ഒരു ഗായകൻ കൂടിയാണ്. 

കുടുംബപ്രേക്ഷകർക്കായി നൃത്തത്തിനും സംഗീതത്തിനുമൊപ്പം ചിരി പടർത്താൻ ഹാസ്യവും കോർത്തിണക്കിയ സ്‌റ്റേജ് ഷോ ജനുവരി പത്തിനാണ് അരങ്ങേറുന്നത്. ഹാസ്യത്തിനും അനുകരണകലയ്ക്കും പുതിയ മാനങ്ങൾ നല്കിയ മലയാളികളുടെ പ്രിയ താരങ്ങളായ കലാഭവൻ നവാസ്, മനോജ് ഗിന്നസ് എന്നിവരുടെ നേതൃത്വത്തിലാണ് മെഗാഷോ അരങ്ങേറുന്നത്. വേറിട്ട ശബ്ദം കൊണ്ട് മലയാളി മനസ്സിനെ കീഴടക്കിയ പിന്നണിഗായികയും മികച്ച അവതാരകയുമായ സുമി അരവിന്ദും മെഗാഷോയുടെ വേദിയെ ഗംഭീരമാക്കാൻ എത്തുന്നു. ജനുവരി പത്തിന് ഡബ്ലിനിലെ RED COW MORAN ഹോട്ടലിൽ (നാസ് റോഡ്) വൈകുന്നേരം അഞ്ചു മണിക്ക് കോമഡി ആൻഡ് മ്യൂസിക് ഫെസ്റ്റ്  ആരംഭിക്കും.

ടിക്കറ്റ് വില്പന പുരോഗമിക്കുന്നു. FOR TICKETS CONTACT
0867184299, 0894492321, 0871607720, 0872930719, 0870573885