വിടപറഞ്ഞത് ലോകമെമ്പാടുമുള്ള ഹൃദയങ്ങളെ കീഴടക്കിയ സൂപ്പർ ഹീറോകളുടെ സൃഷ്ടാവ്; കോമിക്ക് ബുക്ക് സാഹിത്യകാരൻ സ്റ്റാൻ ലീയുടെ വേർപാടിൽ വേദനയോടെ ആരാധകർ; നഷ്ടമായത് സ്‌പൈഡർമാൻ മുതൽ അവഞ്ചേഴ്‌സ് വരെയടങ്ങുന്ന സൂപ്പർ ഹീറോകളെ മാർവൽ കോമിക്‌സിലൂടെ ലോകത്തിന് സമ്മാനിച്ച 'എഴുത്തിന്റെ അതികായനെ'
ലൊസാഞ്ചലസ് : ലോക സാഹിത്യത്തിൽ തന്നെ തരംഗം സൃഷ്ടിച്ച സൂപ്പർ ഹീറോകളുടെ സൃഷ്ടാവും അമേരിക്കൻ കോമിക്ക് ബുക്ക് കഥാകാരനുമായ സ്റ്റാൻ ലീയുടെ (95) വേർപാടിൽ വേദനിച്ചിരിക്കുകയാണ് ലോകം. കുട്ടുകളുടേയും മുതിർന്നവരുടേയും പ്രിയപ്പെട്ട കഥാപാത്രങ്ങളായ സ്‌പൈഡർമാൻ, അയൺമാൻ, ഹൾക്ക്, തോർ, ഡോക്ടർ സ്‌ട്രേഞ്ച് തുടങ്ങി ഒട്ടനവധി സൂപ്പർഹീറോകളെ മാർവൽ കോമിക്‌സിലൂടെ അവതരിപ്പിച്ച അതുല്യ പ്രതിഭയെയാണ് ലോകത്തിന് നഷ്ടമായത്. പ്രായാധിക്യം മൂലമുള്ള അസുഖങ്ങൾക്ക് ചികിത്സയിലായിരുന്നു ലീ. ലോക സാഹിത്യത്തിൽ ഏറ്റവുമധികം ആരാധകരുള്ള എഴുത്തുകാരൻ കൂടിയായിരുന്നു അദ്ദേഹം. ജാക്ക് കേർബി, സ്റ്റീവ് ഡിറ്റ്‌കോ തുടങ്ങിയ ആർട്ടിസ്റ്റുകളുമായി ചേർന്നാണ് സ്റ്റാൻ ലീ സൂപ്പർഹീറോകളെ മാർവൽ കോമിക്‌സുകളിലൂടെ ലോകത്തിന് സമർപ്പിച്ചത്. ബ്ലാക്ക് പാന്തർ, എക്‌സ് മെൻ, ഫന്റാസ്റ്റിക് ഫോർ തുടങ്ങി ലീ സൃഷ്ടിച്ച കഥാപാത്രങ്ങളേറെ. മാർവൽ സൂപ്പർ ഹീറോകളെ ആധാരമാക്കിയെടുത്ത സിനിമകൾ വൻഹിറ്റുകളായി. ഈ സിനിമകളിൽ ലീ ശ്രദ്ധേയമായ വേഷവും ചെയ്തിട്ടുണ്ട്. ഏറ്റവുമൊടുവിൽ പുറത്തിറങ്ങിയ 'അവഞ്ച
ലൊസാഞ്ചലസ് : ലോക സാഹിത്യത്തിൽ തന്നെ തരംഗം സൃഷ്ടിച്ച സൂപ്പർ ഹീറോകളുടെ സൃഷ്ടാവും അമേരിക്കൻ കോമിക്ക് ബുക്ക് കഥാകാരനുമായ സ്റ്റാൻ ലീയുടെ (95) വേർപാടിൽ വേദനിച്ചിരിക്കുകയാണ് ലോകം. കുട്ടുകളുടേയും മുതിർന്നവരുടേയും പ്രിയപ്പെട്ട കഥാപാത്രങ്ങളായ സ്‌പൈഡർമാൻ, അയൺമാൻ, ഹൾക്ക്, തോർ, ഡോക്ടർ സ്‌ട്രേഞ്ച് തുടങ്ങി ഒട്ടനവധി സൂപ്പർഹീറോകളെ മാർവൽ കോമിക്‌സിലൂടെ അവതരിപ്പിച്ച അതുല്യ പ്രതിഭയെയാണ് ലോകത്തിന് നഷ്ടമായത്. പ്രായാധിക്യം മൂലമുള്ള അസുഖങ്ങൾക്ക് ചികിത്സയിലായിരുന്നു ലീ.
ലോക സാഹിത്യത്തിൽ ഏറ്റവുമധികം ആരാധകരുള്ള എഴുത്തുകാരൻ കൂടിയായിരുന്നു അദ്ദേഹം. ജാക്ക് കേർബി, സ്റ്റീവ് ഡിറ്റ്‌കോ തുടങ്ങിയ ആർട്ടിസ്റ്റുകളുമായി ചേർന്നാണ് സ്റ്റാൻ ലീ സൂപ്പർഹീറോകളെ മാർവൽ കോമിക്‌സുകളിലൂടെ ലോകത്തിന് സമർപ്പിച്ചത്. ബ്ലാക്ക് പാന്തർ, എക്‌സ് മെൻ, ഫന്റാസ്റ്റിക് ഫോർ തുടങ്ങി ലീ സൃഷ്ടിച്ച കഥാപാത്രങ്ങളേറെ. മാർവൽ സൂപ്പർ ഹീറോകളെ ആധാരമാക്കിയെടുത്ത സിനിമകൾ വൻഹിറ്റുകളായി.
ഈ സിനിമകളിൽ ലീ ശ്രദ്ധേയമായ വേഷവും ചെയ്തിട്ടുണ്ട്. ഏറ്റവുമൊടുവിൽ പുറത്തിറങ്ങിയ 'അവഞ്ചേഴ്‌സ് ഇൻഫിനിറ്റി വാറി'ൽ ഒരു ബസ് ഡ്രൈവറായും ലീ എത്തിയിരുന്നു. 1922ൽ ഒരു യഹൂദ കുടുംബത്തിലാണ് ലീയുടെ ജനനം. ലീയുടെ ചെറുപ്പത്തിൽ തന്നെ ഇവർ റുമാനിയയിൽ നിന്നും അമേരിക്കയിലേക്ക് കുടിയേറി പാർത്തിരുന്നു. രണ്ടാം ലോക യുദ്ധകാലത്ത് യുഎസ് സേനയിലെ സിഗ്‌നൽ വിഭാഗത്തിൽ ജോലിക്കു ചേർന്ന ലീ പിന്നീട് പരിശീലന ചിത്രങ്ങൾ തയാറാക്കുന്ന വിഭാഗത്തിലേക്ക് മാറി.
യുദ്ധാനന്തരം പല സ്ഥാപനങ്ങളിലും ജോലി നോക്കിയ ശേഷം മാർവൽ കോമിക്‌സിൽ എത്തുകയായിരുന്നു. അന്നുവരെ സൂപ്പർഹീറോ കഥാപാത്രങ്ങളിൽ ഡിസി കോമിക്‌സ് എന്ന കമ്പനിക്കുള്ള മേൽക്കൈ മാർവൽ കോമിക്‌സ് തകർത്തത് ലീയുടെ സൃഷ്ടികളിലൂടെയാണ്. പരേതയായ നടി ജോൻ ലീയാണു ഭാര്യ.
