റിച്ചാർഡ്സൺ: ഹൂസ്റ്റൺ കോൺസുലേറ്റ് ജനറൽ ഓഫ് ഇന്ത്യ ഈമാസം 17നു ശനിയാഴ്ച ഡാലസിൽ ഏകദിന കോൺസുലർ ക്യാംപ് സംഘടിപ്പിക്കുന്നു. റിച്ചാർഡ്സണിലുള്ള ഇന്ത്യൻ അസോസിയേഷൻ ഓഫ് നോർത്ത് ടെക്‌സാസ് ഓഫിസിൽ രാവിലെ 9.30 മുതൽ 16.30 വരെയാണ് ക്യാംപ്.

ഡാലസിലെ വിവിധ അസ്സോസിയേഷനുകളും ഇന്ത്യൻ അസ്സോസിയേഷൻ ഓഫ് നോർത്ത് ടെക്‌സസ്സും ക്യാംപിന്റെ പ്രവർത്തനങ്ങൾക്ക് നേതൃത്വം നൽകും. ഒസിഐ
കാർഡ്, വിസ, റിണൻസിയേഷൻ സർട്ടിഫിക്കറ്റ് എന്നിവ ലഭിക്കുന്നതിനുള്ള പൂരിപ്പിച്ച അപേക്ഷകൾ ക്യാമ്പിൽ കൊണ്ടുവന്നാൽ ഉദ്യോഗസ്ഥന്മാർ പരിശോധിച്ചതിനു ശേഷം ഹൂസ്റ്റൺ സികെജിഎസ്സിന് അയച്ചു കൊടുക്കാവുന്നതാണ്.

ഹൂസ്റ്റൺ കോൺസുലർ ജനറൽ ഓഫ് ഇന്ത്യ ക്യാംപിൽ പങ്കെടുക്കുന്നതിനാൽ, സംശയങ്ങൾ ചോദിച്ചു പരിഹാരം കണ്ടെത്തുന്നതിനും അവസരം ലഭിക്കുമെന്ന് സംഘാടകർ അറിയിച്ചിട്ടുണ്ട്.
കൂടുതൽ വിവരങ്ങൾക്ക് ബന്ധപ്പെടുക - 713 626 2148