ദുബൈയ്ക്ക് പിന്നാലെ അബൂദബിയിലേക്ക് എത്തുന്ന യാത്രക്കാർക്കും നിയന്ത്രണം; 48 മണിക്കൂറിനകത്തെ പിസിആർ ഫലം നിർബന്ധമാക്കി

ദുബൈയിലേക്ക് വരുന്ന യാത്രക്കാർക്ക് സമാനമായ നിയന്ത്രണം അബുദബിയിലും ഇന്ന് മുതൽ നിലവിൽ വരും. ഇന്ത്യയിൽ നിന്ന് അബൂദബിയിലേക്ക് വരുന്ന യാത്രക്കാർക്ക് ഇന്ന് മുതൽ 48 മണിക്കൂറിനകത്തെ പി സി ആർ പരിശോധാ ഫലം നിർബന്ധമാക്കി.

എന്നാൽ, അബൂദബി വഴിയുള്ള ട്രാൻസിറ്റ് യാത്രക്കാർ, 12 വയസിന് താഴെയുള്ളവർ, ഭിന്നശേഷിക്കാർ എന്നിവർക്ക് ഇത് ബാധകമല്ല. അബൂദബിയുടെ ഇത്തിഹാദ് എയർവേസാണ് ഇക്കാര്യം അറിയിച്ചത്. നേരത്തേ അബൂദബിയിലേക്ക് 96 മണിക്കൂറിനകത്ത് എടുത്ത പരിശോധനയുടെ ഫലം മതിയായിരുന്നു.