ആലപ്പുഴ: കോവിഡ് പ്രതിരോധ പ്രവർത്തനങ്ങളുടെ ഭാഗമായി അമ്പലപ്പുഴ ബ്ലോക്ക് പഞ്ചായത്ത് പരിധിയിലുള്ള മൂന്ന് പൊലീസ് സ്റ്റേഷനുകളിലേക്ക് പ്രതിരോധ സാമഗ്രികൾ വിതരണം ചെയ്തു. വിതരണോദ്ഘാടനം എച്ച്. സലാം എംഎ‍ൽഎ. അമ്പലപ്പുഴ ഡിവൈ.എസ്‌പി. സുരേഷ് കുമാറിന് കൈമാറി നിർവ്വഹിച്ചു.

400 സാനിറ്റൈസർ, 400 ഫെയ്സ് ഷീൽഡ്, 750 മാസ്‌ക് എന്നിവയാണ് അമ്പലപ്പുഴ, പുന്നപ്ര, തോട്ടപ്പള്ളി തീരദേശ പൊലീസ് സ്റ്റേഷനുകൾക്കായി നൽകിയത്. ബ്ലോക്ക് പഞ്ചായത്ത് പ്രസിഡന്റ് അഡ്വ.ഷീബാ രാകേഷ്, വൈസ് പ്രസിഡന്റ് ബിബി വിദ്യാനന്ദൻ, ബ്ലോക്ക് പഞ്ചായത്തംഗങ്ങൾ, സെക്രട്ടറി വി.ജെ. ജോസഫ് തുടങ്ങിയവർ പങ്കെടുത്തു.