24 മണിക്കൂറിനിടെ 299 കോവിഡ് ബാധിതർ; ഡൽഹിയിൽ കോവിഡ് കേസുകൾ കുത്തനെ വർദ്ധിക്കുന്നു

ന്യൂഡൽഹി: രാജ്യതലസ്ഥാനത്ത് വീണ്ടും കോവിഡ് കേസുകൾ കുത്തനെ വർധിക്കുന്നതായി റിപ്പോർട്ട്. കഴിഞ്ഞ 24 മണിക്കൂറിനിടെ 299 പേർക്കാണ് ഡൽഹിയിൽ കോവിഡ് 19 സ്ഥിരീകരിച്ചത്. കഴിഞ്ഞ ദിവസത്തേക്കാൾ 50 ശമാനത്തോളമാണ് കേസുകളിലെ വർധനവ്. കഴിഞ്ഞ ഒരാഴ്ചയായി ഡൽഹിയിൽ കോവിഡ് കേസുകൾ വർധിച്ചുവരുന്നുണ്ട്.

സർക്കാരും ആരോഗ്യ വിഭാഗവും കാര്യങ്ങൾ കൃത്യമായി നിരീക്ഷിച്ചു വരികയാണെന്നും നിലവിലെ സ്ഥിതിയിൽ ആശങ്കപ്പെടാനുള്ള സാഹചര്യം ഇല്ലെന്നും ആരോഗ്യമന്ത്രി സത്യേന്ദർ ജെയിൻ അഭിപ്രായപ്പെട്ടു. കഴിഞ്ഞ ഒരാഴ്ചയായി പ്രതിദിനം 100 മുതൽ 200 വരെ കേസുകളാണ് ഡൽഹിയിൽ റിപ്പോർട്ട് ചെയ്യുന്നത്.

ആശുപത്രിയിൽ പ്രവേശിപ്പിക്കപ്പെടുന്ന രോഗികളുടെ എണ്ണം നിരീക്ഷിച്ചുവരികയാണെന്നും ഇത് വലിയതോതിൽ ഉയരുന്നില്ലെന്നും അതിനാൽ തന്നെ രോഗികളുടെ എണ്ണത്തിൽ ആശങ്ക വേണ്ടെന്നും അദ്ദേഹം കൂട്ടിച്ചേർത്തു.