കോവിഡ് രോഗികൾക്കും ക്വാറന്റീനിൽ കഴിയുന്നവർക്കും വാഹന സൗകര്യം; കോവിഡ് കർമ്മസമിതിക്ക് ആകെയുള്ള വാഹനം വിട്ടു നൽകി കോൺഗ്രസ് നേതാവ്

കോട്ടയം: കോവിഡ് രോഗികൾക്കും, ക്വാറന്റൈനിൽ കഴിയുന്നവർക്കും ആശുപത്രിയിൽ പോകുന്നതിനായി സ്വന്തം വാഹനം വിട്ടു നൽകി കോൺഗ്രസ് നേതാവ്.

കണക്കാരിയിൽ ഡ്രൈവിങ് സ്‌കൂൾ നടത്തുന്ന യൂത്ത് കോൺഗ്രസ് മുൻ മണ്ഡലം പ്രസിഡന്റും, സഹകരണ ബാങ്ക് ബോർഡ് മെമ്പറുമായിരുന്ന സൈജു കല്ലളയിലാണ് വാർഡ് തല കോവിഡ് കർമ്മസമിതിക്ക് കാർ വിട്ടുനൽകിയത്.

കോവിഡ് ടെസ്റ്റ് ചെയ്യുന്നതിനടക്കം രോഗികൾ നേരിടുന്ന യാത്ര ബുദ്ധിമുട്ട് മനസിലാക്കിയാണ് ഡ്രൈവിങ് പരിശീലനത്തിന് അടക്കം ഉപയോഗിച്ചിരുന്ന തന്റെ കാർ വിട്ടു നൽകിയത്. ഗ്രാമപഞ്ചായത്ത് അംഗം മേരി തുമ്പക്കരയുടെ സാന്നിധ്യത്തിലാണ് സൈജു വാഹനം സന്നദ്ധപ്രവർത്തകരെ ഏൽപ്പിച്ചത്.