ബോളിവുഡ് നടി ഫാത്തിമ സന ഷെയ്ഖിന് കോവിഡ്; താൻ ക്വാറന്റീനിലാണെന്ന് താരം

മുംബൈ: ബോളിവുഡ് നടി ഫാത്തിമ സന ഷെയ്ഖിന് കോവിഡ് സ്ഥിരീകരിച്ചു. താരം തന്നെയാണ് ഇക്കാര്യം അറിയിച്ചത്. കോവിഡ് പ്രോട്ടോക്കോൾ പാലിച്ച് താൻ ക്വാറന്റീനിലാണെന്നും താരം വ്യക്തമാക്കി. ഇൻസ്റ്റഗ്രാം വഴിയാണ് താൻ രോഗബാധിതയാണെന്ന വിവരം ഫാത്തിമ സന വെളിപ്പെടുത്തിയത്. 2020 ൽ അനുരാഗ് ബസുവിന്റെ ലൂഡോയിൽ ഫാത്തിമ അഭിനയിച്ചിരുന്നു. മനോജ് വാജ്‌പേയിക്കൊപ്പം സൂരജ് പേ മംഗൾ ഭാരി എന്ന ചിത്രത്തിലും ഫാത്തിമ വേഷമിട്ടിരുന്നു.