തലശേരി: തന്റെ കൈയിലുള്ള ഓഡിയോ ക്‌ളിപ്പ് പുറത്തുവിടുന്നില്ലെന്ന് ഇന്ത്യൻ ഗാന്ധിയൻ പാർട്ടി സ്ഥാനാർത്ഥി സി.ഒ.ടി നസീർ. കഴിഞ്ഞ ദിവസം വോട്ടുകച്ചവടത്തെ കുറിച്ചുള്ള ശബ്ദരേഖ തന്റെ കൈവശമുണ്ടെന്നും അതു പുറത്തുവിടുമെന്നും നസീർ പറഞ്ഞിരുന്നു. എന്നാൽ തലേ ദിവസം രാത്രിയാണ് നസീർ ചുവടുമാറ്റിയത്. ഇതോടെ തലശേരിയിൽ ഇടതു വലതു മുന്നണികളിൽ നിലനിന്ന ആശങ്ക ഒഴിവായി.

എന്നാൽ ഈ വിഷയത്തിൽ തനിക്ക് വിവിധ കോണുകളിൽ നിന്നും സമ്മർദ്ദമുണ്ടെന്നും സമ്മർദ്ദം കൂടുതലായാൽ താൻ ഓഡിയോ ക്‌ളിപ്പ് പുറത്തുവിടാൻ നിർബന്ധിതനാകുമെന്നും നസീർ പറഞ്ഞു. നിലവിൽ രാഷ്ട്രീയത്തിൽ വോട്ടുകച്ചവടം നമ്മൾ കേട്ടിട്ടുണ്ട് തലശേരിയിലും ഇതു തന്നെയാണ് സംഭവിക്കാൻ പോകുന്നത്. കോലീബി സഖ്യം, സിപിഎം ബിജെപി ഡീലിനെ കുറിച്ച് ആർ.എസ്.എസിന്റെ വെളിപ്പെടുത്തൽ. ഇങ്ങനെ ഒരുപാട് ഡീലുകളുണ്ട്. അതിനാൽ ഓഡിയോ ക്‌ളിപ്പ് ഇപ്പോൾ പുറത്തുവിടുന്നില്ലെന്നും സി.ഒ.ടി നസീർ പറഞ്ഞു.

എന്നാൽ സി.ഒ.ടി നസീർ പുതിയ കാര്യങ്ങൾ വെളിപ്പെടുത്താതിരിക്കാനായി ഉന്നത രാഷ്ട്രീയ സമ്മർദ്ദം നടന്നുവെന്ന സൂചന ശക്തമാണ്. അതുകൊണ്ടു തന്നെയാണ് തന്റെ കൈയിലുള്ള ശബ്ദരേഖ പുറത്തുവിടുമെന്ന തീരുമാനത്തിൽ നിന്നും അദ്ദേഹം പെട്ടെന്ന് പിൻ തിരിയാൻ കാരണമെന്നാണ് സൂചന. ബിജെപി സ്ഥാനാർത്ഥി എൻ. ഹരിദാസിന്റെ പത്രിക തള്ളിയ സാഹചര്യത്തിൽ എൻ.ഡി.എ നസീറിന് പിൻതുണ പ്രഖ്യാപിച്ചു തങ്കിലും ഇന്ത്യൻ ഗാന്ധിയൻ പാർട്ടിയിലെ പ്രവർത്തകരുടെ സമ്മർദ്ദം കാരണം നമ്പർ പിൻതുണ സ്വീകരിക്കാതെ പിൻതിരിയുകയായിരുന്നു.

 

 

 

ബിജെപിസി.ഒ.ടി നസീർ