ന്യൂഡൽഹി: അന്തരിച്ച മുൻ രാഷ്ട്രപതി ഡോ. എ പി ജെ അബ്ദുൾ കലാമിന് ആദരാഞ്ജലി അർപ്പിച്ച് ക്രിക്കറ്റ് താരങ്ങളും. സച്ചിൻ ടെൻഡുൽക്കർ മുതൽ എസ് ശ്രീശാന്ത് വരെയുള്ളവർ ട്വിറ്ററിലൂടെ അദ്ദേഹത്തെ അനുസ്മരിച്ചു.

'ഏവർക്കും പ്രചോദനമേകുന്ന വ്യക്തിത്വം. ഒപ്പം നല്ലൊരു മനുഷ്യസ്‌നേഹിയും' എന്ന് സച്ചിൻ ട്വിറ്ററിൽ കുറിച്ചു. അനേകരുടെ റോൾമോഡൽ, ദീർഘവീക്ഷണമുള്ള വ്യക്തി -ടെസ്റ്റ് നായകൻ വിരാട് കോഹ്‌ലി അനുസ്മരിച്ചു. ഇന്ത്യക്കു ദുഃഖദിനമെന്നായിരുന്നു ശ്രീശാന്ത് കുറിച്ചത്. യഥാർഥ രത്‌നമായിരുന്നു കലാമെന്നും ശ്രീ കൂട്ടിച്ചേർക്കുന്നു. സ്വപ്നം ഉറക്കത്തിൽ കാണാനുള്ളതല്ല, ഉറക്കം കെടുത്താനുള്ളതാണെന്ന അബ്ദുൾ കലാമിന്റെ വാക്കുകളാണു സഞ്ജയ് മഞ്ജരേക്കർ കുറിച്ചിരിക്കുന്നത്.