മുംബൈ: ഇന്ത്യൻ ക്രിക്കറ്റിലെ യുവരാജാവായ യുവരാജ് സിംഗിനെ ചുറ്റിപ്പറ്റി എക്കാലവും ഗോസിപ്പുകൾ ഉണ്ടായിട്ടുണ്ട്. ബോളിവുഡ് സുന്ദരിമാരായിരുന്നു യുവിയുടെ ഗോസിപ്പു കോളങ്ങളിലെ നായികമാർ. ഏറെക്കാലവും ഇതിൽ മുമ്പനായിരുന്ന കാൻസർ രോഗബാധിതനായതോടെ വിവാദങ്ങളിൽ നിന്നും താൽക്കാലികമായി വിട്ടു നിൽക്കുകയായിരുന്നു. എന്നാൽ യുവിയെ ചുറ്റിപ്പറ്റി വീണ്ടും വിവാദം തലപൊക്കുകയാണ്.

യുവി ഇപ്പോൾ പ്രണയത്തിലാണെന്നതാണ് പുതിയ വാർത്ത!.പതിവു പോലെ യുവിയുടെ പുതി കാമുകിയും ബോളിവുഡിൽ നിന്നു തന്നെയാണ്. കടൽകടന്നുവന്ന ബോളിവുഡ് സുന്ദരിയാണ് യുവിയുടെ ഹൃദയം കീഴടക്കിയത്. ബ്രിട്ടീഷ് മോഡലും നടിയുമായ ഹസൽ കീച്ച് ആണത്രേ യുവരാജിന്റെ പുതിയ കാമുകി. ബോഡിഗാർഡ്, മാക്‌സിമം എന്നിവയാണ് ഹസലിന്റെ ബോളിവുഡ് ചിത്രങ്ങൾ.

എന്നാൽ ഗോസിപ്പിനോട് പ്രതികരിക്കാൻ ഇരുവരും തയ്യാറായിട്ടില്ല. അടുത്തിടെയായി ഹസലും യുവിയും ഒന്നിച്ചാണു പാർട്ടികളിലും മറ്റും പങ്കെടുക്കുന്നതെന്നും സംസാരമുണ്ട്. ഇനി ഇവരും വിരാട് കോഹ്ലിയെയും അനുഷ്‌ക ശർമയെയും പോലെ ഞങ്ങൾ വെറും സുഹൃത്തുക്കളാണെന്ന് ഇരുവരും പറയുമോ എന്നാണ് അറിയുന്നത്.

നേരത്തെ കിം ശർമ, ദീപിക പദുക്കോൺ എന്നിവരുമായും യുവരാജ് പ്രണയത്തിലാണെന്നു വാർത്തകൾ ഉണ്ടായിരുന്നു. കരിയറിലേക്ക് തിരിച്ചുവരൻ വേണ്ടി ശ്രമിക്കുകയാണ് യുവരാജ് ഇപ്പോൾ.