കോഴിക്കോട് : കുന്ദമംഗലത്ത് പട്ടാപ്പകൽ സ്‌കൂട്ടർ മോഷ്ടിക്കാൻ ശ്രമിച്ചയാളെ നാട്ടുകാർ പിടികൂടി പൊലീസിലേൽപ്പിച്ചു. മുക്കം മരഞ്ചാട്ടി മൂലംപാറക്കൽ സ്വദേശി അനീഷ് മോഹനാണ് മോഷണശ്രമത്തിനിടെ പിടിയിലായത്. കുന്ദമംഗലം വയനാട് റോഡിലെ മാരുതി വർക്ക് ഷോപ്പിന്റെ സമീപത്തുവച്ചാണ് സ്‌കൂട്ടറുമായി കടന്ന് കളയാൻ ശ്രമിക്കവെ ഇയാളെ നാട്ടുകാർ പിടികൂടിയത്.

മാരുതി വർക്ക്ഷോപ്പിലെ പെയിന്റിങ് തൊഴിലാളിയായ വ്യക്തിയുടെ സ്‌കൂട്ടറുമായി കടന്നുകളയാൻ ശ്രമിക്കുകയായിരുന്നു.പ്രതിയെ നാട്ടുകാർ കുന്ദമംഗലം പൊലീസിന് കൈമാറിയിട്ടുണ്ട്. വാഹനം മോഷ്ടിച്ചെങ്കിലും മുക്കം റോഡിലെ വാഹനത്തിരക്ക് മൂലം ഇയാൾക്ക് രക്ഷപെടാൻ സാധിക്കാതെ വരികയും സ്‌കൂട്ടറിന് പിന്നാലെ ഓടി നാട്ടുകാർ ഇയാളെ പിടികൂടുകയുമായിരുന്നു.പിടിയിലായ അനീഷ് പോക്സോ കേസുകളടക്കം നിരവധി കേസുകളിൽ പ്രതിയാണെന്ന് കുന്ദമംഗലം പൊലീസ് അറിയിച്ചു.

 

 

 

കുന്ദമംഗലംസ്‌കൂട്ടർ മോഷണം