മലപ്പുറം:  വീട്ടമ്മയെ പ്രണയം നടിച്ച് ദിവസങ്ങളോളം കൂടെ താമസിപ്പിച്ച് പീഡനത്തിനിരയാക്കിയ ശേഷം കടന്നു കളഞ്ഞ യുവാവിനെ തേഞ്ഞിപ്പലം പൊലിസ് അറസ്റ്റ് ചെയ്തു. വള്ളുവമ്പ്രം പുല്ലാര സ്വദേശി കപ്രക്കാട്ട് നിഷാദ് 27 നെയാണ് അറസ്റ്റ് ചെയ്തത്.

സൗണ്ട് എൻജിനീയറായ ഇയാൾ നാട്ടുകാരിയായ വീട്ടമ്മയെ വിവാഹ വാഗ്ദാനം നൽകി പെരുവള്ളൂർ പറമ്പിൽ പീടികയിലെ വാടക ക്വാർട്ടേഴ്‌സിൽ രണ്ട് മാസത്തോളം ഒന്നിച്ച് താമസിപ്പിച്ച് ലൈംഗികമായി പീഡനത്തിനിരയാക്കിയ ശേഷം കടന്നു കളയുകയായിരുന്നുവെന്ന വീട്ടമ്മയുടെ പരാതിയിലാണ് പൊലിസ് അറസ്റ്റ് ചെയ്തത്.

കഴിഞ്ഞ ഫെബ്രുവരിയിലാണ് തേഞ്ഞിപ്പലം പൊലീസിൽ വീട്ടമ്മ പരാതി നൽകിയത്. തുടർന്ന് പൊലിസ് അന്വേഷണം ആരംഭിച്ചെങ്കിലും നിഷാദ് ഒളിവിലായിരുന്നു. വള്ളുവമ്പ്രത്ത് ഇയാൾ എത്തിയതായ രഹസ്യ വിവരം ലഭിച്ചതിനെ തുടർന്ന് തേഞ്ഞിപ്പലം സബ് ഇൻസ്‌പെക്ടർ സംഗീത് പുനത്തിൽ, സി.പി.ഒമാരായ സബീഷ്, ബിജു, ഹോം ഗാർഡ് പ്രശാന്ത്, സൈതലവി എന്നിവരടങ്ങുന്ന പൊലിസ് സംഘം വള്ളുവമ്പ്രം ടൗണിൽ വെച്ച് അറസ്റ്റു ചെയ്യുകയായിരുന്നു. ഇന്നലെ വൈകിട്ടോടെ കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

 

 

വിവാഹ വാഗ്ദാനം നൽകി പീഡനം