പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസ്; പെരുമ്പാവൂരിൽ യുവാവ് അറസ്റ്റിൽ

പെരുമ്പാവൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. നെയ്യാറ്റിൻകര പുതിയതുറ പാമ്പുകാല വീട്ടിൽ വിഷ്ണു (27) വിനെയാണ് പെരുമ്പാവൂർ പൊലീസ് അറസ്റ്റ് ചെയ്തത്.

പെൺകുട്ടിയുടെ വീട്ടിൽ അതിക്രമിച്ച് കയറി ലൈംഗികമായി ഉപദ്രവിക്കുകയും അതിന്റെ വീഡിയോ കൈവശമുണ്ടെന്ന് പറഞ്ഞു ഭീഷണിപ്പെടുത്തി വീണ്ടും ഇയാൾ പീഡിപ്പിക്കുകയായിരുന്നു. ഇൻസ്‌പെക്ടർ ആർ.രഞ്ജിത്, സബ് ഇൻസ്‌പെക്ടർ റിൻസ്.എം.തോമസ്, എസ്.സി.പി. ഒമാരായ നൗഷാദ്, സുബൈർ, ജിഞ്ചു.കെ.മത്തായി തുടങ്ങിയവരാണ് അന്വേഷണ സംഘത്തിലുള്ളത്