മലപ്പുറം: വിൽപ്പനക്കായി കാറിൽ കൊണ്ടുവന്ന കഞ്ചാവുമായി മഞ്ചേരിയിൽ യുവാവ് പിടിയിൽ. പതിനഞ്ചു കിലോഗ്രാം കഞ്ചാവുമായി അനക്കയം ചേപ്പൂർ സ്വദേശി നെച്ചിക്കാടൻ മൊയ്ദീൻ മകൻ സാദിഖലിയെയാണ് മഞ്ചേരി കോഴിക്കോട് റോഡിലെ മലബാർ ജൂവലറിക്ക് സമീപം വെച്ച് ഇന്ന് പുലർച്ചെ ഒന്നോടെയാണ് പിടികൂടിയത്. മഞ്ചേരി കോഴിക്കോട് റോഡിലുള്ള മലബാർ ജൂവലറിക്ക് മുൻവശത്താണ് പ്രതിയെ പിടികൂടിയത്.

രണ്ടു ദിവസം മുൻപ് മഞ്ചേരി മെഡിക്കൽ കോളേജ് പരിസരത്തു വെച്ചും മഞ്ചേരി പൊലീസ് കഞ്ചാവ് പിടികൂടിയിരുന്നു.മലപ്പുറം ജില്ലാ പൊലീസ് മേധാവി സുജിത്ത് ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, മലപ്പുറം ഡി.വൈ.എസ്‌പി: പി.എം: പ്രദീപ്കുമാറിന്റെ നിർദ്ദേശനുസരണം മഞ്ചേരി പൊലീസ് ഇൻസ്‌പെക്ടർ സി അലവി യുടെ നേതൃത്വത്തിൽ എസ്‌ഐമാരായ രാജേന്ദ്രൻ നായർ, ഷാജിലാൽ, ജില്ലാ ആന്റി നർകോട്ടിക് ടീം അംഗങ്ങൾ ആയ എൻ.കെ. ദിനേഷ്, പി. മുഹമ്മദ് സലീം, പി.സവാദ്,ഹരിലാൽ., എംപി. ലിജിൻ, അരുൺ,ഷാനിൽ എന്നിവരടങ്ങിയ സംഘം ആണ് പ്രതിയെ പിടികൂടി കേസ് അന്വേഷണം നടത്തുന്നത്.

മഞ്ചേരിയിൽ കഞ്ചാവുമായി കഞ്ചാവുമായി മൂന്ന് പേരെ കഴിഞ്ഞ ദിവസവും പൊലീസ് അറസ്റ്റ് ചെയ്തിരുന്നു. കരിങ്കല്ലത്താണി സ്വദേശികളായ തോട്ടശ്ശേരി കളത്തിൽ വീട്ടിൽ അബ്ദു നാസർ (41), കളത്തിൽ വീട്ടിൽ മൊയ്തീൻകുട്ടി (40), കപ്പൂർ വീട്ടിൽ റിയാസ് (33) എന്നിവരാണ് കാറിൽ കടത്തുകയായിരുന്ന 4.2 കിലോഗ്രാം കഞ്ചാവുമായി പിടിയിലായത്. ശനിയാഴ്ച പുലർച്ച ഒന്നരയോടെ മെഡിക്കൽ കോളജിന് എതിർ വശത്തുള്ള തട്ടുകടകൾക്ക് സമീപം മലപ്പുറം - മഞ്ചേരി റോഡിൽ നിന്നാണ് ഇവരെ പിടികൂടിയത്. പ്രതികൾ സഞ്ചരിച്ച കാറും കസ്റ്റഡിയിലെടുത്തിരുന്നു തുടർന്ന് കോടതി പ്രതികളെ 14 ദിവസത്തേക്ക് റിമാൻഡ് ചെയ്തു.

കഞ്ചാവുമായി യുവാവ് പിടിയിൽ

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍