പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസ്; പോത്താനിക്കാട് പ്രതി പിടിയിൽ

കോതമംഗലം: പ്രായപൂർത്തിയാകാത്ത പെൺകുട്ടിയെ ലൈംഗികമായി ഉപദ്രവിച്ച കേസിൽ പ്രതി പിടിയിൽ. പോത്താനിക്കാട് മാവുടി പള്ളിക്കാപ്പറമ്പ് വീട്ടിൽ ബിജു (47) നെയാണ് പോത്താനിക്കാട് പൊലീസ് അറസ്റ്റ് ചെയ്തത്. ചൈൽഡ് വെൽഫയർ കമ്മിറ്റി കൗൺസിലിങ് നടത്തിയപ്പോഴാണ് ലൈംഗികമായി ഉപദ്രവിച്ച കാര്യം അതിജീവിത പറയുന്നത്.

2017 ൽ ആണ് സംഭവം. എസ്.എച്ച്.ഒ നോബിൾ മാനുവൽ, എസ് ഐ എം.സി.എൽദോസ്, എസ്.സി.പി.ഒ മാരായ റഷീദ്, സനൂപ്, സൽമ, ജാസ്മിൻ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.