പ്രായപൂർത്തിയാകാത്ത കുട്ടിയുടെ നഗ്‌നചിത്രങ്ങൾ കൈമാറി; ഇതര സംസ്ഥാന തൊഴിലാളി മലപ്പുറത്ത് പിടിയിൽ

മലപ്പുറം: പ്രായപൂർത്തിയാകാത്ത കുട്ടിയുടെ നഗ്‌നചിത്രങ്ങൾ കാണുകയും ഫോണിൽ സൂക്ഷിക്കുകയും കൈമാറുകയും ചെയ്ത അതിഥി തൊഴിലാളി മലപ്പുറം പൂക്കോട്ടുംപാടം പൊലീസിന്റെ പിടിയിൽ. ഓപ്പറേഷൻ പി.ഹണ്ടിന്റെ ഭാഗമായി പൊലീസ് നടത്തിയ അന്വേഷണത്തിലാണ് പൂക്കോട്ടുംപാടത്ത് ചന്തയോടു ചേർന്നുള്ള വാടക ക്വാർട്ടേഴ്സിൽ താമസിക്കുന്ന ആസാം സ്വദേശി റഷീദുൾ ഇസ്ലാമി (27) നെ പൊലീസ് ഇൻസ്പെക്ടർ സി.എൻ സുകുമാരനും സംഘവും അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

പൊലീസ് ഇൻസ്പെക്ടർക്ക് പുറമെ എസ്ഐ ജയകൃഷ്ണൻ, സീനിയർ സിവിൽ പൊലീസ് ഓഫീസർ മുജീബ്, സിവിൽ പൊലീസ് ഓഫീസർമാരായ ദിനേശ്, ജാവിദ്, സമീന, സലിംബാബു, തുടങ്ങിയവരും അന്വേഷണ സംഘത്തിലുണ്ടായിരുന്നു.