കാണികളിൽ ആവേശം വിതറുന്ന റിയൽ മാഡ്രിഡ് താരം ക്രിസ്റ്റിയാനോ റൊണാൾഡോയെക്കുറിച്ചുള്ള പ്രതിച്ഛായയ്ക്ക് മങ്ങലേൽപ്പിക്കുന്ന ഒരു വെളിപ്പെടുത്തലാണിപ്പോൾ പുറത്ത് വന്നിരിക്കുന്നത്. അതായത് താരം സ്വവർഗപ്രേമിയാണെന്ന് സംശയിപ്പിക്കുന്ന തരത്തിലുള്ള ചിത്രങ്ങൾ ഇപ്പോൾ പുറത്ത് വന്നിട്ടുണ്ട്. താരം കാമുകനോടൊപ്പമുള്ള ചിത്രങ്ങൾ പുറത്ത് വിട്ടാണ് പാപ്പരാസികൾ ഇത് ആഘോഷമാക്കുന്നത്.എന്നാൽ ലോകതാരം ഇതിനോട് ഇനിയും പ്രതികരിച്ചിട്ടില്ല. മൊറോക്കൻ കിക്ക് ബോക്‌സറായ ഹാരിക്കൊപ്പം ക്രിസ്റ്റിയാനോ ഉല്ലസിക്കുന്നചിത്രങ്ങളാണിപ്പോൾ പുറത്ത് വന്നിരിക്കുന്നത്. ഹാരിയെകാണാൻ വേണ്ടി ക്രിസ്റ്റ്യാനൊ പതിവായി മൊറോക്കോവിൽ പോകുന്നുണ്ടെന്ന വാർത്ത സ്പാനിഷ് പത്രങ്ങളിൽ പ്രത്യക്ഷപ്പെട്ടതിനെ തുടർന്നാണ് ഈ ചിത്രങ്ങൾ പ്രചരിച്ചിരിക്കുന്നത്.

സൂപ്പർമോഡൽ ഗേൾഫ്രണ്ട്‌സുമായുള്ള ഡേറ്റിംഗിന്റെ പേരിൽ പേര് കേട്ട താരമാണ് ക്രിസ്റ്റ്യാനൊ.കിക്ക് ബോക്‌സർ താരമായ ബദർ ഹാരിയെ കെട്ടിപ്പിടിക്കാനു കേളികളാടാനുമായി പതിവായി മൊറൊക്കോയിലേക്ക് പറക്കാറുണ്ടെന്നാണ് മാദ്ധ്യമങ്ങളിൽ വാർത്തകൾ വന്നിരിക്കുന്നത്. ഈ ഫുട്‌ബോളർമാർ അവരുടെ ഒഴിവ് സമയത്ത് എന്താണ് ചെയ്യുന്നതെന്നതിനെക്കുറിച്ച് ഫ്രഞ്ച് ടിവിയിൽ ഒരു ചർച്ച തന്നെ സംഘടിപ്പിച്ചിട്ടുണ്ട്. ക്രിസ്റ്റ്യാനൊ ആഴ്ചയിൽ മൂന്ന് മുതൽ നാല് വരെ പ്രാവശ്യം മൊറോക്കോയിലേക്ക് പറക്കാറുണ്ടെന്നാണ് ഈ ചർച്ചയിൽ പങ്കെടുത്തവരിൽ ഒരാളായ ഡാനിയേൽ റിയോളോ പ്രസ്താവിച്ചിരിക്കുന്നത്. ഹാരിയെ കാണാനും കെട്ടിപ്പിടിക്കാനും വിനോദങ്ങളിൽ ഏർപ്പെടാനുമാണ് ഈ യാത്രകളെന്നാണ് ഡാനിയേൽ ഉറപ്പിച്ച് പറയുന്നത്.

താരം ഇത്തരത്തിലുള്ള യാത്രകൾ നടത്തുന്നതിന്റെ സ്വാധീനം അദ്ദേഹത്തിന്റെ പ്രകടനത്തിൽ പ്രതിഫലിക്കുമോയെന്ന ഉത്കണ്ഠ ക്ലബ് തലവന്മാർ പ്രകടിപ്പിക്കുന്നുമുണ്ട്. 13.5 മില്യൺപൗണ്ട് വിലയുള്ള ഗൾഫ് സ്ട്രീം ജി200ലാണ് ഇദ്ദേഹത്തിന്റെ വിദേശയാത്രകളെന്നും റിപ്പോർട്ടുണ്ട്. പരിശീലനത്തിന് ശേഷം ഇദ്ദേഹം ഈ ജെറ്റിൽ മൊറോക്കോയ്ക്ക് പോവുകയും ആ രാത്രി തന്നെ തിരിച്ചെത്തുകയുമാണ് ചെയ്യുന്നതെന്നാണ് റിപ്പോർട്ട്. നിരവധി മോഡലുകളുമായി ബന്ധമുണ്ടായിരുന്നതിന്റെ പേരിൽ വാർത്തകളിൽ നിറഞ്ഞ താരമാണ് ക്രിസ്റ്റ്യാനൊ. റഷ്യൽ മോഡലായ ഇറിന ഷായിക്കുമായി അഞ്ചുവർഷത്തോളം ഇദ്ദേഹത്തിന് ബന്ധമുണ്ടായിരുന്നു.സൺപൂൾ സൈഡിൽ ഹാരിയും ക്രിസ്റ്റ്യാനൊയും കെട്ടിപ്പിടിച്ച് ഉല്ലസിക്കുന്ന ചിത്രങ്ങൾ ഹാരിയുടെ സോഷ്യൽ മീഡിയ പേജിൽ പ്രത്യക്ഷപ്പെട്ടിരുന്നു.തന്റെ മനോഹരമായ രാജ്യത്തേക്ക് ക്രിസ്റ്റിയാനൊയെ സ്വാഗതം ചെയ്യുന്നുവെന്ന കാപ്ഷനും ഹാരി ഇതിന് നൽകിയിരുന്നു.തുടർന്ന് ക്രിസ്റ്റ്യാനൊ ഹാരിയെ മുറുകെ പിടിച്ചിരിക്കുന്ന ചിത്രത്തിന് ജസ്റ്റ് മാരീഡ് എന്ന് കാപ്ഷനാണ് ഹാരി നൽകിയിരിക്കുന്നത്.

കുടിയേറ്റക്കാരായ മാതാപിതാക്കന്മാർക്ക് ജനിച്ച സന്തതിയാണ് ഹാരി. 1984 ഡിസംബർ 8നായിരുന്നു ജനനം. ഒരു ചെറിയ പെൺകുട്ടിയുടെ പിതാവായ അദ്ദേഹം മൊറോക്കോയിലാണ് ജീവിക്കുന്നത്. കാറുകളും പുരുഷന്മാരുടെ ഫാഷനും കാണുന്നതിൽ തനിക്ക് താൽപര്യമേറെയുണ്ടെന്ന് അദ്ദേഹം തന്റെ വെബ്‌സൈറ്റിൽ രേഖപ്പെടുത്തിയിട്ടുണ്ട്. ലോകത്തിലെ ഏററവും മികച്ച കിക്ക്‌ബോക്‌സറെന്ന പേരുള്ളപ്പോഴും നിരവധി കേസുകളിൽ ഉൾപ്പെട്ട് വിവാദ നായകനായ ചരിത്രവും ഹാരിക്കുണ്ട്.ഫുട്‌ബോൾ ഇതിഹാസമായ റുഡ് ഗുള്ളിറ്റിന്റെ ഭാര്യയ്ക്ക് ഹാരിയുമായുള്ള ബന്ധം വാർത്തകളിൽ നിറഞ്ഞിരുന്നു. ഹാരിക്ക് വേണ്ടി അവർ ഗുള്ളിറ്റിനെ ഒഴിവാക്കുക വരെ ചെയ്തുവെന്ന റിപ്പോർട്ടുകൾ പുറത്ത് വന്നിരുന്നു.