ദോഹ:കൂടെയുണ്ട് കൾച്ചറൽ ഫോറം എന്ന തലക്കെട്ടിൽ കൾച്ചറൽ ഫോറം ഖത്തറിന്റെ 2022-23 കാലയളവിലേക്കുള്ള പ്രവർത്തനങ്ങൾക്ക് തുടക്കമായി.മുഴുവൻ ജില്ലാ-മണ്ഡലം കമ്മിറ്റികളുടെയും ഭാരവാഹി തിരഞ്ഞെടുപ്പുകളും പൂർത്തിയായതോടെയാണ് ജില്ലാ തലങ്ങളിൽ പ്രവർത്തനോദ്ഘാടനങ്ങൾക്ക് തുടക്കം കുറിച്ചത്.

കൾച്ചറൽ ഫോറം കൊല്ലം ജില്ലാ പ്രവർത്തനോദ്ഘാടനം സ്റ്റേറ്റ് പ്രസിഡന്റ് മുനീഷ്. എ.സി നിർവഹിച്ചു. കൾച്ചറൽ ഫോറം നുഐജ ഹാളിൽ നടന്ന ചടങ്ങിൽ ജില്ലാ പ്രസിഡണ്ട് ഷിബു ഹംസ അധ്യക്ഷത വഹിച്ചു.സ്റ്റേറ്റ് ജനറൽ സെക്രട്ടറി മജീദ് അലി മുഖ്യപ്രഭാഷണം നടത്തി. കൾച്ചറൽ ഫോറം ജനസേവനമുൾപ്പടെയുള്ള വിവിധ മേഖലകളിൽ മുന്നോട്ടുവച്ച പ്രവർത്തനങ്ങളുടെ അവലോകനം നടത്തി. ഒട്ടനവധി പ്രതിസന്ധികളിലൂടെ ലോകവും രാജ്യവും മുന്നോട്ടുപോകുമ്പോൾ മുഴുവൻ മനുഷ്യരും, വിഭാഗീയതകൾക്കപ്പറം ഒന്നായി നിന്ന് ജനക്ഷേമ ലോകം കെട്ടിപ്പടുക്കുവാൻ ഒരുമിക്കേണ്ടതുണ്ട് എന്ന ആശയം യോഗം മുന്നോട്ടുവച്ചു.

ജില്ലയിലെ പ്രാദേശികതല പ്രവർത്തനങ്ങൾ കൂടുതൽ വ്യാപിപ്പിക്കുന്നതിന്റെ ഭാഗമായി കരുനാഗപ്പള്ളി, ചടയമംഗലം മണ്ഡല രൂപീകരണവും നേതൃത്വ പ്രഖ്യാപനവും ജില്ലാ വൈസ് പ്രസിഡണ്ട് മുഹമ്മദ് നജീബ് നിർവഹിച്ചു.തിരഞ്ഞെടുക്കപ്പെട്ട സംസ്ഥാന, മണ്ഡലം നേതാക്കളെ പൊന്നാട അണിയിച്ചു ആദരിച്ചു. കൊല്ലം ജില്ല സ്വരൂപിച്ച പത്തനാപുരം സ്വദേശിയായ കൾച്ചറൽ ഫോറം പ്രവർത്തകന്റെ ബന്ധുവിനുള്ള ചികിത്സാസഹായം സ്റ്റേറ്റ് വർക്കിങ് കമ്മിറ്റി അംഗം അബ്ദുറഷീദ് കൈമാറി.

സ്റ്റേറ്റ് വൈസ് പ്രസിഡന്റ് ചന്ദ്രമോഹൻ, കരുനാഗപ്പള്ളി മണ്ഡലം ജനറൽ സെക്രട്ടറി ലിജിൻ രാജൻ, ദീപു രവി , സാബു, എഞ്ചിനീയർ നാസർ, അബ്ദുറഷീദ് തുടങ്ങിയവർ ആശംസകൾ അർപ്പിച്ചു സംസാരിച്ചു . ശരണ്യ സാബു ഗാനാലാപനം നടത്തി .ജില്ലാ ജനറൽ സെക്രട്ടറി നിജാം അബ്ദുൽ അസീസ് സ്വാഗതവും മൻസൂർ ഹൈദർ നന്ദിയും പറഞ്ഞു. കുടുംബങ്ങൾ ഉൾപ്പെടെ കൊല്ലം ജില്ലക്കാരായ നിരവധി പ്രവാസികൾ യോഗത്തിൽ സംബന്ധിച്ചു.

കൾച്ചറൽ ഫോറം