മലപ്പുറം പാസ്പോർട്ട് ഓഫീസ് അടച്ചുപൂട്ടൽ നടപടി പ്രതിഷേധാർഹം; കൾച്ചറൽ ഫോറം
ദോഹ: പാസ്പോർട്ട് ഓഫീസ് അടച്ചുപൂട്ടിയ നടപടി മലപ്പുറം ജില്ലയോടുള്ള ഭരണാധികാരികളുടെ കടുത്ത അവഗണനയുടെ തനിയാവർത്തനമാണെന്ന് കൾച്ചറൽ ഫോറം മലപ്പുറം ജില്ലാ എക്‌സിക്യൂട്ടീവ് കമ്മിറ്റി അഭിപ്രായപ്പെട്ടു. മലപ്പുറം-പാലക്കാട് ജില്ലകളിലുള്ളവരുടെ പാസ്പോർട്ട് സേവനങ്ങൾക്ക് ആശ്രയമായിരുന്ന ഓഫീസ് അടച്ചുപൂട്ടിയത് തികഞ്ഞ ലാഭേഛയുടെയും മുൻവിധിയുടെയും അടിസ്ഥാനത്തിലാണ്. രാജ്യത്തെ ഏറ്റവും തിരക്കേറിയ പാസ്പോർട്ട് ഓഫീസുകളിൽ ഒന്നാണ് മലപ്പുറത്തേത്. ഓഫീസ് അടച്ചുപൂട്ടുന്നതോടെ, നിലവിൽ കാസറഗോഡ് മുതൽ കോഴിക്കോടുവരെയുള്ള ജില്ലകളിലെ പാസ്പോർട്ട് സേവനങ്ങൾ കൈകാര്യം ചെയ്യുന്ന കോഴിക്കോട് ഓഫീസിനെ ആശ്രയിക്കുക വഴി അടിയന്തിര സേവനങ്ങൾ പൂർത്തീകരിക്കുന്നതിനുള്ള കാലതാമസം ഇരട്ടിയാകുമെന്നുള്ള ആശങ്ക പ്രവാസികൾക്കിടയിൽ ശക്തമാണ്. വെൽഫെയർ പാർട്ടി ഉൾപ്പെടെ ചുരുക്കം ചില രാഷ്ട്രീയ പാർട്ടികളും ജനപ്രതിനിധികളും മാത്രമാണ് സർക്കാറിന്റെ ഈ നടപടിയിൽ പ്രതിഷേധവുമായി രംഗത്തെത്തിയിട്ടുള്ളതെന്നും കമ്മിറ്റി നിരീക്ഷിച്ചു. കൾച്ചറൽ ഫോറം മലപ്പുറം ജില്ലാ പ്രസിഡന്റ് റഷ
ദോഹ: പാസ്പോർട്ട് ഓഫീസ് അടച്ചുപൂട്ടിയ നടപടി മലപ്പുറം ജില്ലയോടുള്ള ഭരണാധികാരികളുടെ കടുത്ത അവഗണനയുടെ തനിയാവർത്തനമാണെന്ന് കൾച്ചറൽ ഫോറം മലപ്പുറം ജില്ലാ എക്‌സിക്യൂട്ടീവ് കമ്മിറ്റി അഭിപ്രായപ്പെട്ടു. മലപ്പുറം-പാലക്കാട് ജില്ലകളിലുള്ളവരുടെ പാസ്പോർട്ട് സേവനങ്ങൾക്ക് ആശ്രയമായിരുന്ന ഓഫീസ് അടച്ചുപൂട്ടിയത് തികഞ്ഞ ലാഭേഛയുടെയും മുൻവിധിയുടെയും അടിസ്ഥാനത്തിലാണ്.
രാജ്യത്തെ ഏറ്റവും തിരക്കേറിയ പാസ്പോർട്ട് ഓഫീസുകളിൽ ഒന്നാണ് മലപ്പുറത്തേത്. ഓഫീസ് അടച്ചുപൂട്ടുന്നതോടെ, നിലവിൽ കാസറഗോഡ് മുതൽ കോഴിക്കോടുവരെയുള്ള ജില്ലകളിലെ പാസ്പോർട്ട് സേവനങ്ങൾ കൈകാര്യം ചെയ്യുന്ന കോഴിക്കോട് ഓഫീസിനെ ആശ്രയിക്കുക വഴി അടിയന്തിര സേവനങ്ങൾ പൂർത്തീകരിക്കുന്നതിനുള്ള കാലതാമസം ഇരട്ടിയാകുമെന്നുള്ള ആശങ്ക പ്രവാസികൾക്കിടയിൽ ശക്തമാണ്.
വെൽഫെയർ പാർട്ടി ഉൾപ്പെടെ ചുരുക്കം ചില രാഷ്ട്രീയ പാർട്ടികളും ജനപ്രതിനിധികളും മാത്രമാണ് സർക്കാറിന്റെ ഈ നടപടിയിൽ പ്രതിഷേധവുമായി രംഗത്തെത്തിയിട്ടുള്ളതെന്നും കമ്മിറ്റി നിരീക്ഷിച്ചു. കൾച്ചറൽ ഫോറം മലപ്പുറം ജില്ലാ പ്രസിഡന്റ് റഷീദലി, സെക്രട്ടറി ആരിഫ് പൊന്നാനി തുടങ്ങിയവർ സംസാരിച്ചു.
