ഡാളസ്: കഴിഞ്ഞ ആറു മാസമായി ഡാളസിലെ ക്രൈസ്റ്റ്  ദി കിങ് ക്‌നാനായ ഇടവകയും, കോപ്പേൽ നഗരത്തിൽ സ്ഥിതിചെയ്യുന്ന റോലിങ് ഒയ്കസ് മെമോറിയൽ സെമിത്തേരി കമ്പനിയുമായി നടത്തിവന്നിരുന്ന സെമിത്തേരി വാങ്ങൽ ഇടപാടുകൾ പൂർത്തിയായി. കോപ്പേൽ സിടിയുടെ ഉടമസ്ഥതയിലുള്ള ഈ സെമിത്തേരിയിൽ നിന്നും 161 പ്ലോട്ടുകൾ ഇടവക അംഗങ്ങൾ വാങ്ങിച്ചു ഈ പദ്ധതി വൻ വിജയമാക്കിതീർത്തു.

ഇടവക ദേവാലയത്തിൽ നിന്നും പത്ത് മൈൽ അകലം മാത്രമേ ഉള്ളു സെമിത്തേരിയിലേക്ക്. കോപ്പേൽ നഗരത്തിലുള്ള സെന്റ് അൽഫോൻസാ ഇടവകയും ഈ സംരഭത്തിൽ സഹകരിച്ചു. രണ്ടു പള്ളികളുടെയും സെമിത്തേരി മധ്യത്തിൽ സെന്റ് അൽഫോൻസാ ചാപ്പലും കോപ്പേൽ സിടിയുടെ ചെലവിൽ നിർമ്മിിക്കുന്നതാണ്. ഈ പരിപാടികൾക്ക് ഇടവക വികാരി ഫാ. ജോസഫ് ശൗര്യമാക്കൽ നേതൃത്വം നൽകി.