ദോഹ: സന്ദർശക വിസയിലെത്തിയ മലയാളി യുവാവ് ഖത്തറിൽ വാഹനാപകടത്തിൽ മരിച്ചു. അപകടത്തിൽ പരിക്കേറ്റ് ഹമദ് ആശുപത്രിയിൽ ചികിത്സയിലായിരുന്ന ഓമശ്ശേരി പൂളപ്പൊയിൽ സ്വദേശി പാലാട്ട് പറമ്പിൽ കാസിമിന്റെ മകൻ മുത്തലിബ് ആണ് മരിച്ചത്. പരേതന് 21 വയസായിരുന്നു പ്രായം.

അബു നഖല ഉംസൈദ് റോഡിൽ മൂന്ന് ദിവസം മുമ്പ് വാൻ മറിഞ്ഞാണ് അപകടമുണ്ടായത്. ഗുരുതരമായി പരിക്കേറ്റ് തീവ്ര പരിചരണ വിഭാഗത്തിൽ ചികിത്സയിലായിരുന്നു.

രണ്ടാഴ്ച മുൻപാണ് മുത്തലീബ് ഖത്തറിലെത്തിയത്. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പൂർത്തിയാക്കുകയാണെന്ന് ബന്ധപ്പെട്ടവർ അറിയിച്ചു.വടക്കേകണ്ടി കാസിം ഹാജിയുടെയും പരേതയായ റുഖിയയുടെയും മകനാണ്. സഹോദരങ്ങൾ : അയൂബ് ഖാൻ, ഹിബ