വാഹനം ഓടിക്കുന്നതിനിടെ ഹൃദയാഘാതം; കുവൈറ്റിൽ തൃശൂർ സ്വദേശി മരിച്ചു

കുവൈറ്റിൽ തൃശ്ശൂർ സ്വദേശി ഹൃദയാഘാതം മൂലം മരണപ്പെട്ടു, തൃശ്ശൂർ വടക്കേകാട് കൊച്ചനൂർ സ്വദേശി പൊന്നഞ്ചാത്തയിൽ മുഹമ്മദ് (59) ആണ് മരണപ്പെട്ടത്. ഇന്നലെ ് അബ്ബാസിയക്ക് വാഹനം ഓടിച്ച് വരുന്നതിനിടെ ഹൃദയാഘാതമുണ്ടാവുകയായിരുന്നു .

വഴിയിൽ വാഹനത്തിന്റെ നിയന്ത്രണം നഷ്ടമായതിനെ തുടർന്ന് സിക്‌സ്ത്ത് റിങ് റോഡിലെ ഡിവൈഡറിൽ ഇടിച്ചാണ് വാഹനം നിന്നത്.ഉടൻ തന്നെ ഫർവാനിയ ആശുപത്രിയിലെത്തിച്ചെങ്കിലും ഇദ്ദേഹത്തിന്റെ ജീവൻ രക്ഷിക്കാനായില്ല. അടുത്തകാലത്ത് ഇദ്ദേഹത്തിന് ഹൃദയശസ്ത്രക്രിയ കഴിഞ്ഞിരുന്നു. ഭാര്യ ഹസീന, മക്കൾ റിത്യാന, രഹന, റയ്ഹാന. നിര്യാണത്തിൽ യാത്രാ കുവൈറ്റ് അനുശോചിച്ചു.