അമേരിക്കയിൽ ജീവിച്ചിരുന്ന ഏറ്റവും പ്രായം കൂടിയ അമ്മൂമ്മ ഐസ്റ്റർ ഫോർഡ് അന്തരിച്ചു.നോർത്ത് കരോലിനായിലെ ഷാർലറ്റിലുള്ള ഭവനത്തിൽ വെച്ചു ശാന്തമായാണ് മരണം സംഭവിച്ചതെന്ന് കുടുംബാംഗം ടാനിഷ പാറ്റേഴ്സൺ അറിയിച്ചു.

കഴിഞ്ഞ വാരാന്ത്യം ഹെസ്റ്റർ അന്തരിക്കുമ്പോൾ 116 വയസ്സായിരുന്നു പ്രായം.
1904 ഓഗസ്റ്റ് 15നായിരുന്നു സൗത്ത് കരോലിനായിലെ ലങ്കാസ്റ്ററിൽ ഇവരുടെ ജനനം. പീറ്ററിന്റേയും, ഫ്രാൻസിസ് റെക്കാർഡലിന്റേയും മകളായി ജനിച്ച ഇവരുടെ ബാല്യം ഇവിടെയാണ് ചിലവഴിച്ചത്. ജോൺ ഫോർഡിനെ 14-ാം വയസിൽ വിവാഹം കഴിച്ചു. ദമ്പതിമാർക്ക് എട്ടു പെൺമക്കളും, നാലു ആൺമക്കളും ജനിച്ചു. 1963 ൽ ജോൺ ഫോർഡ് അന്തരിച്ചു.

ഇവർക്ക് അറുപത്തിയെട്ട് പേരുകുട്ടികളും 125 ഗ്രേറ്റ് ഗ്രാൻഡ് ചിൽഡ്രൻസും, 120 ഗ്രേറ്റ്-ഗ്രേറ്റ് ഗ്രാൻഡ് ചിൽഡ്രൻസും ഉണ്ട്.കുടുംബത്തിന്റെ ഉരുക്കുകോട്ടയായിരുന്നു ഇവർ എന്ന് മകൾ സാക്ഷ്യപ്പെടുത്തുന്നു.കഴിഞ്ഞ ആഗസ്റ്റിൽ 116-ാം ജന്മദിനം ആഘോഷിച്ചപ്പോൾ ദീർഘായുസ്സിന്റെ രഹസ്യം എന്താണെന്ന് അന്വേഷിച്ചവരോട് ഞാൻ ദൈവത്തിന് വേണ്ടി ജീവിച്ചു എന്നായിരുന്നു മറുപടി.

ഹെസ്റ്ററിന്റെ മരണത്തോടെ അമേരിക്കയിൽ ഇപ്പോൾ ജീവിച്ചിരിക്കുന്ന ഏറ്റവും പ്രായം കൂടിയ അമ്മൂമ്മ നെബ്രസ്‌ക്കായിൽ നിന്നുള്ള തെൽമ സട്ട്ക്ലിഫാണ്. 1906ലാണ് ഇവരുടെ ജനനം.ലോകത്തിൽ ഇപ്പോൾ ജീവിച്ചിരിക്കുന്ന ഏറ്റവും പ്രായം കൂടിയ അമ്മൂമ്മ ജപ്പാനിൽ നിന്നുള്ള കയ്ൻതനാക്കയാണ് പ്രായം 118.

 

ഐസ്റ്റർ ഫോർഡ്