കോഴിക്കോട് സ്വദേശി ബഹ്റൈനിൽ മരിച്ചു; മരിച്ചത് ബുസൈറ്റീനയിലെ കഫ്തീരിയ ജോലി നോക്കി വന്ന പ്രവാസി

മനാമ: കോഴിക്കോട് കുന്ദമംഗലം മുറിയനാട് സ്വദേശി കൊല്ലാരുതൊടുകയിൽ ഹംസക്കോയ (48) ബഹ്റൈനിൽ മരണപ്പെട്ടു. ബഹ്റൈനിലെ ബുസൈറ്റീനയിലെ കഫ്തീരിയയിൽ ജോലി ചെയ്തുവരികയായിരുന്നു അദ്ദേഹം. 10 വർഷത്തോളമായി ബഹ്റൈനിൽ പ്രവാസജീവിതം നയിച്ചുവരികയായിരുന്നു. കോഴിക്കോട് ജില്ലാ മുസ്ലിം ലീഗ് വൈസ് പ്രസിഡന്റ് നാസർ എസ്റ്റേറ്റ് മുക്കിന്റെ സഹോദരൻ ചെറുവത്തുപൊയിൽ അബൂബക്കർ മാസ്റ്ററുടെ മകൾ സുമി വി പിയുടെ ഭർത്താവുമാണ്.

പിതാവ്: ആലിക്കോയ. മാതാവ്: ആയിഷബി കെടി.മക്കൾ: സൽമാനുൽ ഫാരിസി കെ ടി, സഫ്വാൻ കെ ടി, മുഹമ്മദ് സഹൽ കെ ടി, മുഹമ്മദ് അമീൻ കെ ടി, മുഹമ്മദ് ഐസാൻ കെ ടി.
മയ്യിത്ത് ഖബറടക്കം ചെയ്യുന്നതുമായി ബന്ധപ്പെട്ട നടപടിക്രമങ്ങൾ കെഎംസിസി ബഹ്റൈൻ മയ്യിത്ത് പരിപാലന സമിതിയുടെ നേതൃത്വത്തിൽ നടത്തിവരുന്നു.