പന്ത്രണ്ട് വയസ്സ് വരെയുള്ള ആൺകുട്ടികളെ പീഡിപ്പിച്ചാലും വധശിക്ഷ; ഏപ്രിൽ 22ന് നിലവിൽ വന്ന പോക്സോ നിയമത്തിൽ ഭേദഗതി വരുത്താൻ ഒരുങ്ങി കേന്ദ്രം
ന്യൂഡൽഹി: പെൺകുട്ടികളെ മാത്രമല്ല 12 വയസ് വരെയുള്ള ആൺകുട്ടികളെ പീഡിപ്പിച്ചാലും വധ ശിക്ഷ. ആൺകുട്ടികളെ പീഡിപ്പിക്കുന്നവർക്കും വധശിക്ഷ ലഭിക്കുന്ന രീതിയിൽ നിയമത്തിൽ ഭേദഗതി വരുത്താൻ ഒരുങ്ങുകയാണ് കേന്ദ്രം. നിലവിലെ പോക്സോ നിയമത്തിൽ ഭേദഗതി വരുത്തുമെന്ന് കേന്ദ്ര വനിത-ശിശു വികസന മന്ത്രാലയം വ്യക്തമാക്കി. നിയമത്തിൽ ഭേദഗതി വരുത്തി 12 വയസ്സുവരെയുള്ള ആൺകുട്ടികളെ പീഡിപ്പിക്കുന്നവർക്കും വധശിക്ഷ നൽകുമെന്നാക്കും. ഏപ്രിൽ 22നാണ് കേന്ദ്ര സർക്കാർ പോക്സോ നിയമത്തിൽ പെൺകുട്ടികളെ ബലാത്സംഗം ചെയ്യുന്നവർക്ക് വധശിക്ഷ ഉൾപ്പെടുത്തി ഭേദഗതി വരുത്തുകയും രാഷ്ട്രപതി രാം നാഥ് കോവിന്ദ് ഒപ്പിടുകയും ചെയ്തത്. ഈ സർക്കാർ എപ്പോഴും ലിംഗനിഷ്പക്ഷത പുലർത്തിയിട്ടുണ്ടെന്നും പുതിയ പോക്സോ നിയമവും ലിംഗ നിഷ്പക്ഷമാക്കി ഭേദഗതി വരുത്തുമെന്നും അറിയിച്ച് വനിത-ശിശു വികസന മന്ത്രാലയം ട്വീറ്റ് ചെയ്തു. ജമ്മുവിലെ കഠ്വയിൽ എട്ടു വയസ്സുകാരിയെ ക്രൂരമായി ബലാത്സംഗം ചെയ്തുകൊലപ്പെടുത്തിയ സംഭവത്തിൽ രാജ്യവ്യാപക പ്രതിഷേധം ഉയർന്ന പശ്ചാത്തലത്തിലാണ് ശിശു പീഡകർക്ക്
ന്യൂഡൽഹി: പെൺകുട്ടികളെ മാത്രമല്ല 12 വയസ് വരെയുള്ള ആൺകുട്ടികളെ പീഡിപ്പിച്ചാലും വധ ശിക്ഷ. ആൺകുട്ടികളെ പീഡിപ്പിക്കുന്നവർക്കും വധശിക്ഷ ലഭിക്കുന്ന രീതിയിൽ നിയമത്തിൽ ഭേദഗതി വരുത്താൻ ഒരുങ്ങുകയാണ് കേന്ദ്രം. നിലവിലെ പോക്സോ നിയമത്തിൽ ഭേദഗതി വരുത്തുമെന്ന് കേന്ദ്ര വനിത-ശിശു വികസന മന്ത്രാലയം വ്യക്തമാക്കി. നിയമത്തിൽ ഭേദഗതി വരുത്തി 12 വയസ്സുവരെയുള്ള ആൺകുട്ടികളെ പീഡിപ്പിക്കുന്നവർക്കും വധശിക്ഷ നൽകുമെന്നാക്കും.
ഏപ്രിൽ 22നാണ് കേന്ദ്ര സർക്കാർ പോക്സോ നിയമത്തിൽ പെൺകുട്ടികളെ ബലാത്സംഗം ചെയ്യുന്നവർക്ക് വധശിക്ഷ ഉൾപ്പെടുത്തി ഭേദഗതി വരുത്തുകയും രാഷ്ട്രപതി രാം നാഥ് കോവിന്ദ് ഒപ്പിടുകയും ചെയ്തത്. ഈ സർക്കാർ എപ്പോഴും ലിംഗനിഷ്പക്ഷത പുലർത്തിയിട്ടുണ്ടെന്നും പുതിയ പോക്സോ നിയമവും ലിംഗ നിഷ്പക്ഷമാക്കി ഭേദഗതി വരുത്തുമെന്നും അറിയിച്ച് വനിത-ശിശു വികസന മന്ത്രാലയം ട്വീറ്റ് ചെയ്തു.
ജമ്മുവിലെ കഠ്വയിൽ എട്ടു വയസ്സുകാരിയെ ക്രൂരമായി ബലാത്സംഗം ചെയ്തുകൊലപ്പെടുത്തിയ സംഭവത്തിൽ രാജ്യവ്യാപക പ്രതിഷേധം ഉയർന്ന പശ്ചാത്തലത്തിലാണ് ശിശു പീഡകർക്ക് വധശിക്ഷ ഉൾപ്പെടുത്തി നിയമ ഭേദഗതി വരുത്തിയത്. ഇന്ത്യയിൽ ആൺകുട്ടികളെ പീഡിപ്പിക്കുന്ന സംഭവങ്ങൾ അവഗണിക്കപ്പെടുകയാണെന്ന് ചിലർ ചൂണ്ടിക്കാണിച്ച സാഹചര്യത്തിൽ വനിത-ശിശു ക്ഷേമ മന്ത്രി മേനക ഗാന്ധിയാണ് ഭേദഗതിക്ക് നിർദ്ദേശം നൽകിയത്.