വിവാഹ ശേഷം ദീപിക പദുകോൺ അഭിനയിക്കുന്ന ഏറ്റവും പുതിയ ചിത്രമാണ് ചപ്പക്. ആസിഡ് ആക്രമണത്തെ അതിജീവിച്ച ലക്ഷ്മി അഗർവാളിന്റെ കഥ പറയുന്ന ചിത്രത്തിൽ കരുത്തറ്റ കഥാപാത്രമായാണ് ദീപിക എത്തുന്നത്. ചിത്രത്തിലെ പ്രധാന പുരുഷ കഥാപാത്രത്തെ അവതരിപ്പിക്കാൻ ബോളിവുഡ് നടൻ രാജ്കുമാർ റാവുവിനെയാണ് അണിയറപ്രവർത്തകർ ആദ്യം തീരുമാനിച്ചിരുന്നത്. എന്നാൽ, ഇപ്പോൾ രാജ്കുമാറിനെ മാറ്റി വിക്രാന്ത് മാസ്സി ആ കഥാപാത്രത്തെ അവതരിപ്പിക്കുമെന്നാണ് ഇപ്പോൾ പുറത്ത് വരുന്ന റിപ്പോർട്ടുകൾ.

മറ്റു ചിത്രങ്ങളുടെ ഡേറ്റ് പ്രശ്നങ്ങൾ കാരണമാണ് രാജ്കുമാർ റാവു ചിത്രത്തിൽ നിന്നും പിന്മാറുക ആയിരുന്നു എന്നാണ് ആദ്യം വാർത്തകൾ വന്നിരുന്നത്. എന്നാൽ അതല്ല കനത്ത തുക പ്രതിഫലം ആവശ്യപ്പെട്ടതിലാണന്ന് രാജ്കുമാർ റാവുവിനെ പുറത്താക്കിയതെന്നാണ് ചില മാധ്യമങ്ങൾ ഇപ്പോൾ റിപ്പോർട്ട് ചെയ്യുന്നത്.

ആകെ 45 ദിവസത്തെ ചിത്രീകരണം മാത്രമുള്ള സിനിമയിൽ 20 ദിവസത്തോളമാണ് രാജുമാറിന് ചിത്രീകരണം തീരുമാനിച്ചിരുന്നത്. എന്നാൽ, ഇതിന് താരം ആവശ്യപ്പെട്ട പ്രതിഫലം മൂന്ന് കൂടിയാണെന്നും ഇതാണ് താരത്തെ ഒഴിവാക്കാൻ കാരണമെന്ന് റിപ്പോർട്ടുകൾ പറയുന്നു. മൂന്ന് കോടിയിൽ നിന്ന് വിട്ടുവീഴ്ച ചെയ്യാൻ താരം തയ്യാറാകത്തതിനെ തുടർന്നാണ് രാജ്കുമാറിനെ ഒഴിവാക്കി മറ്റൊരു താരത്തെ വച്ച് ചിത്രീകരണം തുടരാൻ നിർമ്മാതാക്കൾ നിർബന്ധിതരായത്.