ഒളിമ്പിക്‌സ് അമ്പെയ്ത്ത്: ഇന്ത്യയുടെ ലോക ഒന്നാം നമ്പർ താരം ദീപിക കുമാരി പ്രീ ക്വാർട്ടറിൽ; ഭൂട്ടാൻ യുവതാരം കർമയെ കീഴടക്കിയത് നേരിട്ടുള്ള സെറ്റുകൾക്ക്

ടോക്യോ: ഇന്ത്യയുടെ ഒളിമ്പിക് മെഡൽ പ്രതീക്ഷയായ ദീപിക കുമാരി വനിതകളുടെ വ്യക്തിഗത അമ്പെയ്ത്ത് മത്സരത്തിന്റെ പ്രീ ക്വാർട്ടറിൽ പ്രവേശിച്ചു. ഭൂട്ടാന്റെ യുവതാരം കർമയെ കീഴടക്കിയാണ് താരം പ്രീക്വാർട്ടറിലെത്തിയത്.

നേരിട്ടുള്ള സെറ്റുകൾക്കാണ് താരത്തിന്റെ വിജയം. സ്‌കോർ: 6-0. ആദ്യ സെറ്റ് 26-23 ന് സ്വന്തമാക്കിയ ദീപിക രണ്ടാം സെറ്റ് 26-23 നും മൂന്നാം സെറ്റ് 27-24 നും സ്വന്തമാക്കി.

അമ്പെയ്ത്തിൽ ഇന്ത്യയുടെ അവസാന പ്രതീക്ഷയാണ് ദീപിക കുമാരി. നേരത്തേ പുരുഷ വിഭാഗം പ്രീ ക്വാർട്ടറിൽ നിന്നും ഇന്ത്യയുടെ പ്രവീൺ യാദവും തരുൺദീപ് റായിയും പുറത്തായിരുന്നു.