ആരാധകരും ബോളിവുഡും ഒരു പോലെ കാത്തിരിക്കുന്ന താരവിവാഹത്തിന് ഇനി വെറും മൂന്ന് ദിവസങ്ങൾ മാത്രം. വിവാഹത്തിന്റെ അവസാനഘട്ട ഒരുക്കങ്ങളിലാണ് താരങ്ങളും ബോളിവുഡും. ദിവസങ്ങൾ അടുത്തതോടെ ഷോപ്പിങ് തിരക്കുകളിലാണ് യും രൺവീറും. വിവാഹം ഒരുത്സവമാക്കാനിരിക്കെ ഇപ്പോൾ പുറത്ത് വരുന്നത് താരങ്ങളുടെ വിവാഹമുന്നൊരുക്കമായുള്ള ഹൽദി, നന്തി പൂജാ ചടങ്ങുകളെ കുറിച്ചാണ്.

ദീപികയുടെ ബാംഗ്ലൂരിലെ വീട്ടിൽ വിവാഹ മുന്നൊരുക്കങ്ങളുടെ ഭാഗമായി നന്തി പൂജ നടന്നിരുന്നു. കൂടാതെ രൺവീറിന്റെ ഹൽദി ആഘോഷങ്ങളുടെ ചിത്രങ്ങളും സോഷ്യൽ മീഡിയയിൽ പ്രചരിക്കുന്നുണ്ട്. സുഹൃത്തുക്കൾക്കൊപ്പം വെള്ളവസ്ത്രമണിഞ്ഞ് ബാൽക്കണിയിൽ നിൽക്കുന്ന്. സബ്യസാചി ഡിസൈനിലുള്ള ഓറഞ്ച് ഡ്രസ്സിൽ അതീവസുന്ദരിയാണ് ദീപികയുടെ ചിത്രങ്ങൾ പുറത്ത് വന്നിട്ടുണ്ട്.ഏറെ നാളായി ദീപികയുടെ സ്‌റ്റൈലിസ്റ്റും സുഹൃത്തുമായ ഷലീന നതാലിയാണ് ദീപികയുടെ പ്രീ വെഡ്ഡിങ് ആഘോഷ ഫോട്ടോകൾ ഇൻസ്റ്റഗ്രാമിൽ പങ്കുവെച്ചിരിക്കുന്നത്.

മാത്രമല്ലകഴിഞ്ഞ ദിവസം താലിമാല (മംഗൽസൂത്ര) വാങ്ങാനായി മുംബൈയിലെ ഒരു ജൂവലറിയിൽ ദീപികയെത്തിയതായി ഫിലിം ഫെയർ റിപ്പോർട്ട് ചെയ്യുന്നു. ഏതാണ്ട് ഒരു കോടി രൂപയോളം വിലയുള്ള ആഭരണങ്ങളാണ് വിവാഹത്തിനായി ദീപിക വാങ്ങിയതെന്നാണ് റിപ്പോർട്ടുകൾ. വരൻ രൺവീർ സിങ്ങിനായി 200 ഗ്രാമിന്റെ ഒരു സ്വർണ്ണ മാലയും ദീപിക വാങ്ങി. അതേസമയം, 20 ലക്ഷം രൂപയാണ് ദീപികയുടെ താലിമാലയുടെ വില.

നവംബർ 14, 15 ദിവസങ്ങളിലാണ് വിവാഹം. സിന്ധി- കൊങ്കിണി ആചാരങ്ങൾ പ്രകാരമുള്ള വിവാഹം നവംബർ 14നാണ്. പരമ്പരാഗതമായ വിവാഹാഘോഷങ്ങൾ കഴിഞ്ഞാൽ അന്നു തന്നെ താരങ്ങൾ ഇറ്റലിയിലേക്ക് പറക്കും. ഇറ്റലിയിലെ ലേക്ക് കോമോയിലെ വില്ല ഡെൽ ബാൽബിയാനെല്ലോയിൽ നവംബർ 15 നാണ് ഔദ്യോഗിക വിവാഹ ചടങ്ങുകൾ നടക്കുക. ബാംഗ്ലൂരിലും മുംബൈയിലുമായി പ്രൗഢഗംഭീരമായ രണ്ടു റിസപ്ഷനുകളും ഉണ്ടായിരിക്കും.നവംബർ 21ന് ബംഗലുരുവിലെ ഗ്രാൻഡ് ഹയാത്തിലും പിന്നീട് ഡിസംബർ 1 ന് മുംബൈയിലെ ലീല പാലസിലുമാണ് സുഹൃത്തുക്കൾക്കും സഹപ്രവർത്തകർക്കും വേണ്ടി ഗംഭീര ആഘോഷം സംഘടിപ്പിച്ചിട്ടുള്ളത്.